أبهرت "راندا منير" زملاءها وأساتذتها بمشروع تخرجها من كلية فنون جميلة بجامعة المنيا، ويحمل اسم "كن طفلا"، حيث صممت لوحة فنية جميلة مصنوعة من مجموعة تماثيل "مجسمات" في شكل سيدة عجوز تلهو مع أبنائها في الحديقة. وتقول راندا: "مشروع تخرجي يعتبر من أكتر الأشياء اللي فرقت في حياتي، بشكر ربنا إنه إداني الموهبة والقوة عشان أتحمل كل اللي مريت بيه، وبشكر أصحابي لتشجيعهم ليا دايما، وبشكر البيت لوقفتهم وتشجيعهم ليا دايما، حتى الناس اللي ماعرفهاش وكانت بتشجعني بقولها شكرا، وبشكر كل الأساتذة والدكاترة اللي كانوا دايما حريصين إنهم يشجعونا ويطلعوا أفضل ما عندنا ماكنوش بيبخلوا علينا بأي حاجة بشكر احتوائهم واحترامهم لينا". وأضافت راندا: "أنا عارفة إن ممكن النتيجة ماترضينيش بس يكفيني فخرا إني عملت الحاجة اللي عايزاها وبأسلوبي الخاص". وكان عدد من رواد مواقع التواصل الاجتماعى قد شاركوا راندا بنشر صور مشروع تخرجها على صفحاتهم الشخصية وصفحات فيس بوك، متمنين لها التوفيق فيما بعد.