غضب يجتاح «مواقع التواصل» بسبب «حريقي الغورية والرويعي».. مصطفى: «حاجة تنقط».. نونا: «ياترى الحريق بكره فين؟».. وليد: «بقى شوية المية اللي فاضلين من إثيوبيا هنخلصهم على الحرايق».. وحاتم: «كفاية بؤس»

عبر المصريون عن حزنهم لحريق الغورية، بعد ساعات من حريق العتبة الذي قضى على محال شارع الرويعي وعدد من العمارات، ودشن نشطاء مواقع التواصل الاجتماعي "فيس بوك وتويتر" هاشتاج "الغورية"، الذي جذب عدد كبير من النشطاء، محتلًا بذلك مركزًا متقدمًا في تراند مصر على تويتر، وقد سخر عدد من النشطاء من تزايد الحرائق غير المتوقع، فيما عبر آخرون عن قلقهم من تزايد الحرائق وخاصة في منطقة وسط القاهرة.
حاجة تنقط
قال مصطفى ابن عادل: "الواحد عاد بيصحي كل يوم على مشكلة قتل فلان، أغتيل علان حريق هنا وحريق هناك بجد ربنا يستر حاجة تنقط.. الغورية.. الحقونا يامتلحقوناش"، وأضافت نونا:"ياتري الحريق بكره فين عشان نعمل حسابنا بس الغورية.
وعلق حاتم راغب: "ازاى قوليلي مكملة وكل دا فيكى حصل.. يا بلد معاندة نفسها يا كل حاجة وعكسها.. ازاى وأنا صبري انتهى لسه بشوف فيكي أمل.. الغورية"، وتابع وليد أمير: "ياربي بقى شوية المية اللي فاضلين من إثيوبيا ومحوشينهم هنخلّصهم على الحرايق؟.. دا بؤس إيه ده.. الغورية.. العتبة.. حريق القاهرة".
وردت سنيوريتا راميس: "قالك تبات نار تصبح رماد بس في مصر، الوضع مختلف تبات على خبر حريقة (العتبة) تصبح على خبر حريقة جديدة (الغورية)"، وقال حلمي فلان الفلاني:"بالأمس عتبة واليوم غورية والاتنين حالات فردية مش كده ولا إيه.. الغورية".
الدور على مين
وأضاف محمد داوود: "الغورية الدور الدور الدور الدور مسكينة ياللى عليكى الدور"، وردت رهف محمد: "المفروض الحكومة توقلنا الدور على مين بكرة علشان كل واحد ياخد شوية مياه ويروح يطفى.. الغورية"، وعلق وليد الجندي: "حَدَّ ياخد منه الولاعة وَيَرْحَمُنَا.. الطرف التالت.. الغورية".
وتابع الفؤش: "ولو ملقتش ميه طفي حريقة.. الغورية ببنزين وقول الإخوان ولاد... ولا يكلف الله نفسا إلا وسعها".
سيارة إسعاف هدية
وقالت إنجي اكسفار: "إعلان المرحلة.. عرض خاص للمصريين اشتري المجموعة الكاملة من طفايات الحريق تحصل على سيارة إسعاف هدية.. الغورية"، وأضاف ريمون نبيل: "هو يوم التلات دا مش مكتوبله إنه يعدي بسلام أبدا! تقريبا كدا لو لغينا التلات الكوارث هتقل 90%.. الغورية"، وتابع ميكافيلي: "ده بخور يارجالة".
لقمة العيش
وعلقت ريري شكري: "بدل السخرية والاتهامات افتكروا أن في ناس في الرويعي والغورية بيتها اتخرب ومش هتلاقي اللقمة بعد كده ادعولهم أحسن.. الغورية"، ورد محمد دياب "الغورية.. حريق القاهرة.. الإخوان بيحرقوا البلد وقالوها من قبل حنحرق مصر وواضح أن إرهاب التفجيرات تحول لإرهاب الحرائق".
فلوس حرام
وقال أبو صلاح: "شعار المرحلة " طفاية لكل مواطن".. مصر بتولع.. الغورية"، وتابع ياسر محمد: "تحس إن الفراعنة بنوا مصر بفلوس حرام.. الغورية ".
أما أحمد شهاب، فكتب: "منهم لله بتوع ثورة 25 يناير.. سايبين البلد بتتحرق.. ونايمين في السجون زى البهوات"، وتابع أحمد ناصر: "حريق كبير في محال الأقمشة بمنطقة الغورية‬ والحماية المدنية لم تستطيع السيطرة عليه.. ربنا يستر وميسبوش النار تكمل لحد ما تحرق الجامع الأزهر.. الظاهر في مستثمر تقيل عجبته المنطقة وعاوز يشتري من الحسين‬ لحد ‫العتبة"‬.