مجلسنا ناقش موازنة شعبنا بسلام والكل وافق وقال.. طبعا.. عليها تمام والبعض قال نفسنا تتعدل الأرقام والبعض قال الموازنة كلام كتير في كلام 00000 أنا نفسى أعرف آراء الشعب والجماهير في كل أرقام موازنة عقلنا بيطير والمسئولين تصريحاتهم في المناقشة كتير لكن نتيجة الحوار في العجز.. لا تفسير 000000 شكرا جزيلا لمجلسنا وحكومتنا والكل مبسوط قوى منكم وشكوتنا إن الغلاء والعناء عمره ما يبسطنا ممكن بقى تسمعوا ياناس حكايتنا 00000000 الشعب عايش وعارف كل شيء في الكون عاقل قوى في الشدايد واعى مش مجنون لكن إذا ما اعترض أو شك في المضمون له كلمته واللى عايزه في النهاية يكون 000000 الناس تقول كل حاجة في الكلام وتعيد خلاص شبعنا كلام عايزين عمل وأكيد مش كل حبة نلاقى التكلفة بتزيد الكل محتاج شجاعة وتضحية وتجديد 00000000 الصبر مطلوب ولكن يبقى فيها حلول من الجميع والحكومة أو رئيس مسئول لكن كلام في الخطب بنسمعه على طول وتصريحات للحكومة.. يبقى مش معقول