شلاليت

فيه كلام عايز أقوله من زمان
الشباب لازم يفتَح في الميدان
يفضح النصاب وعامل ألعوبان
إحنا مش ناقصين تعالب أو حيتان
0000000
كل واحد عنده فكر يكون صريح
كلمته لازم تكون بلسان فصيح
الشباب محتاج لفكر يكون مريح
فيه ثقافة مش عواصف وسط ريح
00000000
الشباب هوَ الأمل هوَ العطاء
وبإيديه وبهمته يعلا البناء
الشباب فصل الربيع والارتقاء
مستحيل في الشدة نقبل انحناء
00000000
الرئيس أعلن وقال وسط الخطاب
إن هذا العام يكون عام الشباب
والحكومة تحط برنامج وتفتح كل باب
للشباب المجتهد دون ارتياب
00000000
الشباب ضحى وكان صرح الزمان
بعد ثورة شعب بتهز الكيان
والشباب في الثورة أنهار للطوفان
يبقى لازم تبنى جيل له صولجان
0000000000
كلنا بنقول شبابنا راح لفين؟
الشباب المعتدل واعى وأمين
مصر هي الباقية والرب المعين
هوَ حافظ أرضها م المعتدين