بعد هزيمة المنتخب الأوليمبي نشطاء «تويتر» يودعون الحلم.. «عادل»: «مدرب فاشل».. «فهمي»: «مجاملات حسام البدري ودتنا في داهية».. «الخيامي»: «كورة ملهاش لازمة ضيعتنا».. و«صبري»: «لاعيبة مش رجالة»

بهدف دون رد، خسر المنتخب الأوليمبي أمام نظيره المالي في لقاء الجولة الثالثة من المجموعة الثانية لبطولة الأمم الأفريقية تحت 23 عاما بالسنغال والمؤهلة لأوليمبياد ريو دي جانيرو، ليصبح متذيلا مجموعته، ويودع بهذه الخسارة المسابقة ويضيع حلم التأهل لأوليمبياد البرازيل 2016.
«مصر مالي»
ودشن نشطاء عبر مواقع التواصل الاجتماعى «تويتر» هاشتاج «مصر مالى» الذي حمل كثيرا من ردود الأفعال الغاضبة من قبل الجماهير بعد هزيمة المنتخب الأوليمبي أمام مالي.
«لعيبة مش رجالة»
قال محمد إبراهيم: «حد يقول للأخ المعلق إن رمضان صبحى وكهربا والجماعة دول مبوظهمش غير النفخ الأهبل ده ودى مش لاعيبة تنفع تلعب في السكة الحديد»، فيما قال أحمد صبرى: «هي دي لاعيبة المستقبل وده مش عارفين يلعبوا تحت الضغط البسيط دي لاعيبة مش رجالة».
«منتخب فاشل»
وأضاف محمد عادل الشيشي: «منتخب فاشل ومدرب فاشل مش عارفله خطة واضحة ومش عارف هو بيدربهم على إيه أنا حاسس إن اللاعيبة جاية من بيوتهم على الماتش على طول»، وقال محمد الشيخ: «هو ده المنتخب اللي الدوري وقف عشانه بذمتكم دخ منظر منتخب يروح أوليمبياد هنروح هناك نعمل إيه؟!»
«جول ملوش لازمة»
وتابع محمد فهمي: «مجاملات حسام البدري ودت المنتخب الأوليمبي في داهية حسبي الله ونعم الوكيل»، وعلق كريم إبراهيم: «كورة ملهاش لازمة ترجع لمسعد عوض.. مسعد عوض مش عارف إيه لازمة اللي عمله، جاب ركنية ملهاش لازمة.. في الآخر جول ملوش لازمة».
غلطة
وقال محمود الخيامي: «الهدف جه من ركنية ملهاش أي لازمة وغلطة بين المدافع ومسعد عوض يعني إحنا ادناهم ركنة.. الركنية تتلعب بقى ونحطها ف نفسنا».