وبالضحكة هنعيش

وبضحك يمكن أقدر أعيش
وبضحك بس عشان الناس متسألنيش
عشان صاحبى ميسألش وأقوله مفيش
عشان مكدبش على حبيبتى وتسألنى أقول مليش
عشان أمى اللى بيا وباخواتى وضحكتنا يا دوب بتعيش
عشان أبويا وأهلي واخواتى ميسألونيش
عشان كل اللى حواليا وبيحبونى ميتعبونيش
بأسئلة فاضية ومتعادة ومبتجديش
لكن جوايا من جوه أحاسيس صعبة ومبحكيش
وربى العالم الأوحد وغيره بيا مش حاسس ميعرفنيش
على إحساسي بالحلم اللى أنا اتمنيته يتحقق وأصبح هيش
على أيام وعدت منى وأنا في الجيش
على حكاوى كانت تتقالى بترفع منى من شأنى
وأدينى فضلت مستنى وفى الآخر ببص مفيش
على أمنية بتمناها لكن بردو محصلتليش
على حبيبتى اللى نفسى أسعدها
في دنيا هي من الأول مساعدتنيش
على الدنيا
على الدنيا اللى كل ما أقول خلاص هانت متضحكليش
فبضحك بس من جوه أنا حاسس أوى بوحدة
لكن هبدأ بقى افتش على الناقص عشان تانى مينقصنيش
وهبدأ بردو أنا أدور وأقوم نفسى أنا بنفسى وهبدأ أعيش
وهرجع بدر م الأول بتاع الضحك والفرافيش
وهرجع تانى للضحكة اللى كانت يوم على وشى وهترجاها متسبنيش