استراتيجية الفوضى المعلوماتية.. مخطط إخواني لضرب استقرار مصر واستهداف مؤسسات الدولة    انتخابات مجلس الشيوخ.. الآليات والضوابط المنظمة لتصويت المصريين فى الخارج    هذا العيار أقل من 3920 جنيها، أسعار الذهب ببداية تعاملات اليوم الأربعاء    ارتفاع سعر الذهب اليوم في مصر ببداية تعاملات الأربعاء    لأول مرة منذ أسبوع، استقرار أسعار الدواجن اليوم الأربعاء 30-7-2028 بالفيوم    ارتفع في بنكين.. سعر الدولار اليوم ببداية تعاملات الأربعاء    أسعار البيض اليوم الأربعاء بالأسواق (موقع رسمي)    إغلاق جميع الموانئ التجارية في هاواي بسبب أمواج تسونامي    نائبة إسبانية تعلن تضامنها مع أسطول الصمود العالمي لدعم غزة    ملك المغرب يؤكد استعداد بلاده لحوار صريح وأخوي مع الجزائر حول القضايا العالقة بين البلدين    وزير الخارجية: مصر تهتم بتعزيز التعاون الاقتصادي والتجاري والاستثماري مع الولايات المتحدة    تحليل جديد: رسوم ترامب الجمركية سترفع نفقات المصانع الأمريكية بنسبة 4.5%    الخارجية الأمريكية: قمنا بتقييم عواقب العقوبات الجديدة ضد روسيا علينا    رابطة الأندية: لن نلغي الهبوط في الموسم الجديد    إخماد حريق نشب داخل شقة سكنية فى أوسيم    فقد الوعي بشكل جزئي، آخر تطورات الحالة الصحية للفنان لطفي لبيب    عزاء شقيق المخرج خالد جلال في الحامدية الشاذلية اليوم    وفري في الميزانية، طريقة عمل الآيس كوفي في البيت زي الكافيهات    قافلة طبية توقع الكشف على 1586 مواطنا في "المستعمرة الشرقية" بالدقهلية (صور)    محافظ الدقهلية:1586 مواطن استفادوا من القافلة الطبية المجانية بقرية المستعمرة الشرقية بلقاس    وزير الإعلام السوري يتوسط لدى الداخلية للإفراج عن الصحفية نور سليمان    فتح باب التقدم لاختبارات الدبلومات والمعاهد الفنية لدخول كلية الحقوق والرابط الرسمي    حظك اليوم الأربعاء 30 يوليو وتوقعات الأبراج    السيد أمين شلبي يقدم «كبسولة فكرية» في الأدب والسياسة    ليلى علوي تسترجع ذكريات «حب البنات» بصور من الكواليس: «كل الحب»    فلكيًا.. موعد بداية شهر رمضان 1447-2026    "البترول" تتلقى إخطارًا باندلاع حريق في غرفة ماكينات مركب الحاويات PUMBA    البنك العربى الإفريقى يقود إصدار سندات توريق ب 4.7 مليار جنيه ل«تساهيل»    جدول مباريات بيراميدز في الدوري المصري الممتاز الموسم الجديد 2025-2026    لا تتبع الوزارة.. البترول: السيطرة على حريق سفينة حاويات قرب منصة جنوب شرق الحمد    وزير الثقافة: جوائز الدولة هذا العام ضمت نخبة عظيمة.. ونقدم برنامجا متكاملا بمهرجان العلمين    تنسيق الثانوية 2025.. ماذا تعرف عن دراسة "الأوتوترونكس" بجامعة حلوان التكنولوجية؟    إبراهيم ربيع: «مرتزقة الإخوان» يفبركون الفيديوهات لنشر الفوضى    متابعة تطورات حركة جماعة الإخوان الإرهابية مع الإعلامية آلاء شتا.. فيديو    الدقيقة بتفرق في إنقاذ حياة .. أعراض السكتة الدماغية    إخماد حريق في محول كهرباء في «أبو النمرس» بالجيزة    تنسيق الجامعات 2025 .. تفاصيل برامج كلية التجارة جامعة عين شمس (مصروفات)    اليوم، طرح تذاكر حفل الموسقار العالمي عمر خيرت في دبي أوبرا    يسمح ب«تقسيط المصروفات».. حكاية معهد السياحة والفنادق بعد قضية تزوير رمضان صبحي    إنجاز غير مسبوق.. إجراء 52 عملية جراحية في يوم واحد بمستشفى نجع حمادي    مطران دشنا يترأس صلوات رفع بخور عشية بكنيسة الشهيد العظيم أبو سيفين (صور)    عاجل- ترمب: زوجتي ميلانيا شاهدت الصور المروعة من غزة والوضع هناك قاس ويجب إدخال المساعدات    نبيل الكوكي يقيم مأدبة عشاء للاعبى وأفراد بعثة المصرى بمعسكر تونس    أسامة نبيه يضم 33 لاعبا فى معسكر منتخب الشباب تحت 20 سنة    مصرع عامل اختل توازنه وسقط من أعلى سطح المنزل في شبين القناطر    الجنايني يتحدث عن مفاوضات عبد القادر.. وعرض نيوم "الكوبري" وصدمة الجفالي    رسميًا.. جدول صرف مرتبات شهر أغسطس 2025 بعد تصريحات وزارة المالية (تفاصيل)    سبب غياب كريم فؤاد عن ودية الأهلي وإنبي وموعد عودته    الجنايني عن شروط عبدالله السعيد للتجديد مع الزمالك: "سيب اللي يفتي يفتي"    عمرو الجناينى: تفاجأت باعتزال شيكابالا.. ولم أتفاوض مع أحمد عبد القادر    تنسيق المرحلة الثانية 2025.. موعد الانطلاق والمؤشرات الأولية المتوقعة للقبول    جدول امتحانات الثانوية العامة دور ثاني 2025 (اعرف التفاصيل)    «الجو هيقلب» .. بيان مهم بشأن حالة الطقس اليوم : أمطار وانخفاض «مفاجئ»    التفاصيل الكاملة لسيدة تدعي أنها "ابنة مبارك" واتهمت مشاهير بجرائم خطيرة    هل يُحاسب الطفل على الحسنات والسيئات قبل البلوغ؟.. واعظة تجيب    أمين الفتوى: الشبكة جزء من المهر يرد في هذه الحالة    ما الذي يُفِيدُه حديث النبي: (أفضل الأعمال الصلاة على وقتها)؟.. الإفتاء توضح    أمين الفتوى: مخالفات المرور الجسيمة إثم شرعي وليست مجرد تجاوز قانوني    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



محمود العسيلي : مش هفضل مطرقع على طول..!
نشر في كلمتنا يوم 08 - 12 - 2010

لو الزمالك نزل درجة تانية هدور على فريق تاني أشجعه..!!
حياته "مجنونة" وخصوصًا لما يقعد مع "تررم" وتعرف من كلامه "رايح على فين" ويخليك مش "خايف من بُكره"، لما بيقول لك "غابت شمسنا" كان يقصد إننا نرجع تاني نحلم ونتمنى نعيش في "تبات ونبات"، "من أول مرة" يقول لك فيها "متسيبنيش" تعرف إنك لازم ترد تقول له "هشوفك" "حاضر" دي "حكايتي معاك" حكاية... محمود العسيلي فنان بجد.
وده كان حوارنا معاه
جبت هدية عيد الأم ولا لسه؟
لا لسه ومش عارف هجيب إيه.. نفسي في حاجة مختلفة وجديدة.
تفتكر إنت متفائل ولا سمّاوي؟
متفااااائل جدًا، لدرجة بتغيظ ناس كتير، وعمري ما بفقد تفاؤلي أبدًا ولا بستسلم لليأس والإحباط.
لما ابنك أو بنتك يكبروا هتتعامل معاهم إزاي؟ وهل هتثق فيهم ولا هتفتش هدومهم وشنطهم؟
هتعامل معاهم زي ما أمي ربتني.. هنمي فيهم الطاقة الإبداعية، هشوفهم موهوبين في إيه وهساعدهم ينمّوا ده، زي ما والدتي ساعدتني من صغري على دراسة الموسيقى وشجعتني.. كمان اتربيت على حب مصر.. بجد من صغري حبيت البلد دي جدًا ويمكن ده ظهر في "يبقى إنت أكيد في مصر" وهيظهر تاني وتالت.
أهلك كانوا مقتنعين إنك هتبقى ناجح ولا اتعرضت لتكسير مجاديفك؟!
لما بلغتهم بقراراحترافي للمزيكا،كان يوم أسود! وبعدين بدأوا يقتنعوا،ولما نجحت أول أغنية، ساندوني جدًا ووقفوا جنبي، خصوصًا أمي.
إيه أخر كتاب قريته؟
تحتمس 400 بشرطة لأحمد بهجت
إنت خريج الجامعة الأمريكية قسم تسويق متكامل.. يا ترى لسه فاكر حاجة عن الدراسة؟
لا بالعكس فاكر كل حاجة، كمان دراستي فادتني جدًا في شغلي، لأني بتعامل مع نفسي على إني سلعة في حاجة للترويج، ودراستي بتخليني أتعامل كويس في الموضوع ده.
مزيكتك مختلفة وأسلوبك مختلف عن كل أبناء جيلك..يا ترى ده نتيجة إيه؟
يمكن لأن تربيتي كانت مختلفة، وكمان لأني من صغري بسمع كل ألوان المزيكا وأشكالها، كل بلد زرتها كنت ببقى حريص إني أسمع مزيكتها.
"Of course"ده اسم أول أغنية عملتها في حياته ممكن تحكي لنا عنها؟
قال بعد أن ضحك بشدة: كنت في إعدادي، وكنت بحب بنت زميلتي في المدرسة، فعملت لها الأغنية دي.. أنا مش فاكرها أوي بس كانت مضحكة جدًا وجابت نتيجة.
فرقتك اللي كونتها بعد ما حصلت على لقب أفضل مطرب في الجامعة الأمريكية.. كلمنا عنها؟
أغلب الفرق في الجامعة كانت بتلعب مزيكا غربي، فأنا وزمايلي عملنا فريق مكوّن من بيانو وعود وطبلة، وكنا بنقدم الأغاني اللي بعملها، وده خلاني آخد أحسن مطرب في الجامعة أكتر من مرة.
بتحب تلعب spin the bottle؟
آه وكنت بلعبها كتير بس بقالي فترة ملعبتهاش بجد.
بتكدب فيها؟
أحيانًا.. ساعات بضطر أكدب، لكن معاكم مش هكدب خالص.
طيب بتغير من مين؟
ممم.. بغير من أي حد ناجح، وهو لا يستحق النجاح.. بحس إنه زي البالونة، وبجد ببقى متضايق لما بلاقي إنسان أجوف ويكون نجاحه كبير.. أما الغيرة الفنية بقى فدي حاجة صحية جدًا، يعني بغير لما حد يعمل أغنية حلوة بجد، وببقى نفسي أعمل حاجة أحلى.
أجرك كام في الحفلات؟
في القاهرة ما بين 15 و25 ألفًا، وبيزيد لو كان خارج القاهرة، أو خارج مصر.. طبعًا الأجر بيتحدد كمان حسب طبيعة الحفلة نفسها.
بتدخن؟
بشرب شيشة.
طب تقول إيه لما تعرف إن مصر بتحرق 22 مليون دولار سجاير سنويًا؟
سجاير مش شيشة:D
مين أقرب أصحابك؟
ولاد خالتي وأصدقائي من أيام الدراسة، هم أقرب أصحاب ليا.
اكتشفت قبل كده إن صداقتك بشخص معين كانت مزيفة أو إنكم مش أصحاب بجد؟
آه زمان حصلت طبعًا.. لكن دلوقتي لا الحمد لله.
تقول لمين
1 – انسى
لأي حد كان شايف إني مش هقدر أنجح وكان شاكك في موهبتي أو بيحاربني.
2- خايف من بُكره
بقول لمراتي حبيبتي متخافيش من بُكره.
3- رايح على فين؟
لمحمود العسيلي.
4- متسيبنيش
لأمي.. بقول لها متسيبينش أبدًا وربنا يخليكي ليا.
5- حاضر
لأمي برضه.
6- صالحني
ممممم.. لأ مفيش حد زعلان مني الحمد لله، ولو فيه فالحمد لله بنتصالح بسرعة.
العسيلي... خايف من بُكره؟
محدش عارف بُكره مخبي إيه.. مش خايف.. أنا بجتهد واللي ليا نصيب فيه هشوفه أكيد.
مين في حياتك... مجنونة؟
المزيكا
لو تحب تبعت رسالة..لمين..وتقول له إيه؟
للجمهور.. بقول لهم مستني تشتروا الألبوم الجديد، وتقولوا لي رأيكم فيه.. أنا تعبت فيه جدًا، وحاولت على قد ما اقدر أقدم موسيقى جديدة ومختلفة ويا رب يعجبكم.
نلعب كورة؟
نلعب
بتلعب كورة؟ مع مين؟
بلعب طبعًا، بس بقالي سنة للأسف ملعبتش، بسبب ظروف شغلي، وبلعب مع أصحابي في ملعب في المريوطية.
لو اعتبرنا إن المزيكاتيه عبارة عن فريق كورة، عايزك تختار لي أحسن حارس مرمى، وأحسن مدافع، ومهاجم، وصانع ألعاب.. ومين أحسن مدير فني؟
أحسن حارس: بما إن حارس المرمى هو نصف الفريق فيبقى عمرو دياب.
أحسن مدافع: محمد منير هو أحسن مدافع عن هويتنا المصرية سواء في اختياراته الموسيقية أو الكلام اللي بيغنيه.
أحسن مهاجم: ملحن اتجه للغناء مؤخرًا وبيطلع في كل اللقاءات يشتم في كل الناس ومش عاجبه حد إلا نفسه.. بلاش أقول اسمه بس إنتم أكيد عرفتوه.
أحسن صانع ألعاب: ياسر عبد الرحمن وعمر خيرت الناس دي أساتذة كبار وصناع موسيقى حقيقية.
أحسن مدير فني: مدير أعمالي محمد فؤاد.. لولاه كنت هفقد كتير جدًا.. أكتر إنسان بيتعب معايا في الدنيا.
أهلاوي ولا زملكاوي؟
زملكاوي
إيه رأيك في أزمة الزمالك؟
بص.. أنا مش متعصب يعني تلاقيني بشجع الأهلي في البطولات الخارجية دايمًا على عكس أغلب الزملكاوية، وعشان كده مش شاغل دماغي أوي بالأزمة.. يعني لو الزمالك نزل درجة تانية هشجع فريق تاني لحد ما يصعد مرة تانية.
إيه الأغنية اللي سمعتها الفترة اللي فاتت وحسيت إنها جت جول؟
ألبوم حسام حبيب كله.
طب إيه الحاجة اللي عملتها وحسيت إنها قلشت منك؟
يمكن بعض البرامج التليفزيونة اللي ظهرت فيها، وحسيت إن مكنش ليا تواجد حقيقي فيها.. لكن عامة أنا مش بندم على حاجة عملتها.
الأغنية بتاخد منك تنفيذ قد إيه؟
كتير بجد وسهر وتعب.. الألبوم الجديد مثلا 10 أغاني قعدنا نشتغل عليهم سنتين.
يا ترى صناع الأغنية بيتجهوا لاستخدام برامج الكمبيوتر بدلاً من اللايفات بسبب انهيار السوق الغنائي ولا الموضوع استسهال وخلاص؟
بص.. حلو أوي إننا نستخدم التكنولوجيا في شغلنا، وأنا من المشجعين لده لأن طالما جواك مزيكا حلوة، فهتقدر تنفذها بأي شكل، يعني بنستخدم البرامج دي مثلاً في عمل إيقاعات مينفعش تتعمل لايف، لكن فيه ناس تانية فعلاً بتستهل، وتلاقيها بتعمل الكمانجات والبيانو مثلاً بالكومبيوتر.. طبعًا ده عك والناس دي ربنا معاهم.
تفتكر أزمة تسريب الألبومات ممكن تتحل إزاي؟
يا جماعة بجد لازم وقفة.. مش معقول الواحد يتعب في الألبوم سنتين ومجهوده يضيع بضغطة واحدة على كلمة download.. وزارة الداخلية لها دور لكن مش بتقوم بيه، أو يمكن الموضوع فعلاً خارج عن السيطرة، عشان كده لازم الفنانين والمنتجين يتحدوا ويعملوا حملات توعية للناس، ويقولوا لهم إن شراءهم للألبومات هو الدعم الوحيد لصناعة الموسيقى، وإلا بالشكل ده بعد فترة مش هيبقى فيه إنتاج موسيقي خالص.. لأن حاليًا مفيش ألبوم موسيقي بيغطي تكاليفه، مهما كانت نجومية صاحبه!
إيه رأيك في اقتراح النجم محمد منير بتصوير حفلات المطربين وطرحها للبيع بأسعار تناسب قيمة المطربين؟ وإن الدولة دورها إنها تصور حفلات المطربين الكبار لأنهم جزء من تاريخها؟
أنا مع أي حل يخرجنا من الأزمة دي.. اقتراح جميل طبعًا.
الألبوم اللي نقدر نقول إنه نجح في السوق بيكون باع كام نسخة؟
مفيش ألبوم بينجح ماديًا لو تقصد.. إنما النجاح الفني بيظهر في الحفلات والأفراح وتعليقات الجمهور على الأغاني.
أنت خريج مجال بعيد عن المزيكا.. يا ترى لو مكنتش وفقت في الغناء كان ممكن تشتغل في مجال دراستك ولا كنت هتعمل إيه؟
آه كنت هشتغل في الإعلانات.. حاسس إني كان ممكن أنجح فيها.
هل طالبكم المنتجون ومتعهدو الحفلات بتخفيض أجوركم بعد الأزمة الاقتصادية.. ولو حصل هتعمل إيه؟
لحد دلوقتي لسه.. ولو حصل، فساعتها هشوف الدنيا حواليا ماشية إزاي وأقرر.. أكيد مش هعوم ضد التيار.
بتحب أي نوع من الموسيقى؟
بحب كل الموسيقى ما عدا ال heavy metal وبسمع كل الناس.. وبحب ناس كتير زي سعاد ماسي والشاب خالد وغيرهم.
نفسك تلحن لمين؟
للشاب خالد.. أنا بعشق الراجل ده بشكل فوق الوصف، وبحب الراي جدًا، كمان لأنه عالمي وبيغني بالعربي، وأنا متعصب جدًا للغة العربية، فنفسي بجد أشتغل معاه.
شايف نفسك فين بعد 10سنين؟
بس متضحكش عليا..بجد بسعى إن بعد 10 سنين تبقى موسيقى العسيلي بتتسمع في كل الدنيا، وأبقى صاحب مدرسة موسيقية خاصة بيا.. أعمل تاريخ موسيقي يأثر في الناس بشكل حقيقي.. أيام الثورة كانت الموسيقى هي اللي بتحرك الشعب، ووقت الحرب كانت الموسيقى سلاح مهم في التعبئة المعنوية.. نفسي مزيكتي يبقى لها التأثير ده.
حاطط خطة لنفسك ولا ماشي في طريقك إزاي؟
بحط خطط قصيرة المدى.. يعني أغنية بأغنية أو ألبوم بألبوم، لكن مينفعش أحط خطط طويلة المدى عشان ما أتصدمش بالواقع، لأني لحد دلوقتي مثلاً مش بنتج لنفسي.
مجنونة.. تررم.. طراطير.. هتفضل مطرقع لإمتى؟
والله أنا مظلوم.. لو بصيت لألبوم مجنونة هتلاقي الألبوم كله حالة تانية خالص، وقيس على كده باقي الألبومات.. عمومًا في الألبوم الجديد هنصور أغنية بعيدة خالص عن مود الطرقعة، لأني أكيد مش هفضل مطرقع على طول.


انقر هنا لقراءة الخبر من مصدره.