نادية لطفي عن شائعة وفاتها: ملك الموت الأحب إلى قلبي

نفت الفنانة نادية لطفي، مساء اليوم الإثنين، الشائعات المتداولة عبر مواقع التواصل الاجتماعي في الساعات الأخيرة الماضية، حول رحيلها عن دنيانا، وقالت خلال مداخلة هاتفية مع الإعلامي وائل الإبراشي، مقدّم برنامج "كل يوم" عبر فضائية ON E: "أنا أؤمن بالقدر، وبسنة الحياة والطبيعة، والحياة والموت هما الحقيقة، وأؤمن بذلك بكل حب وإيمان، والوفاة والولادة من أسرار الله"، مضيفةً بسخرية: "البقية في حياتي، والحمد لله إني شوفت في حياتي المحبين اللي بيعزوا فيّا، واللي وصلوا متأخر، واللي مأجلين العزاء ليوم الخميس لهم كلام كبير معايا".
وتابعت: "أنا سعيدة جدًا إني شوفت المحبين، ويا ريت أنا أرحل بكل المحبة دي، حاجة جميلة والله، وأنا مش زعلانة وباشكر اللي أنا نزلوا الخبر ده، لأنهم أنعشوا حياتي ويومي وخلوني أشوف وأتلقى مكالمات من كل أحبائي". وأكملت: "أنا مبسوطة جدًا، ودلوقتي عرفت مين اللي هيعيط عليّا، وليّا كلام مع من لم يُقدّموا العزاء
وتابعت: "أنا سعيدة جدًا إني شوفت المحبين، ويا ريت أنا أرحل بكل المحبة دي، حاجة جميلة والله، وأنا مش زعلانة وباشكر اللي أنا نزلوا الخبر ده، لأنهم أنعشوا حياتي ويومي وخلوني أشوف وأتلقى مكالمات من كل أحبائي".
وأكملت: "أنا مبسوطة جدًا، ودلوقتي عرفت مين اللي هيعيط عليّا، وليّا كلام مع من لم يُقدّموا العزاء فيّا، أنا بكلم دلال عبد العزيز لقيتها بتعيط، وأنا مش واخدة بالي إني موت بقى وهي بتعيط عليّا، أزعجني فقط إن في ناس انزعجوا، لكن أنا سعدت جدًا لأن الخبر ده عمل انتعاشة وحالة حب".
واختتمت: "الموت حق علينا، وملك الموت هو أحب الملائكة إلى قلبي، لأنه بيُريح ناس، وله دور وفلسفة، ونشكر ربنا على كل ما أعطاه لنا".