نور إسماعيل تكتب: شمس ديسمبر.. الحلقة الثالثة عشرة

وانا رجعت بيتنا ..ملاقتش امى ولا اسماء
بس لاقيت.كذا شيخ قاعدين وبيقروا قرآن بصوت عالى
انا مستحملتش اسمعه ، كان ابن خالتى اخو اسماء موجود وواحد تانى معرفوش
معرفش ليه اتخنقت ومشيت تانى
بس خرج ورايا ابن خالتى بسرعه ..
ابن خالته: امير.. ! انت كنت فين ؟
وحازم اخوك فين
انتو معرفتوش الى حصل لامكم؟
امير: انا كنت محبوس.. واحازم مات
مات
ابن خالته: ايه ؟؟
انت بتقول ايه؟
امتى حصل الكلام ده!
امير:امى فين ؟
ابن خالته: خالتى محجوزة فالمستشفى ..دخلت فغيبوبة سكر
وانت كنت فالحبس ليه ؟
ايه بس الى بيحصل معاكو ده
امير: امى فالمستشفى (عنيه دمعت) فين بالظبط
عايز اشوفها
ابن خالته: طيب تعالى اقعد ويانا ..احضر جلسة القرآن دى
انت متعرفش ان بيتكم عبارة عن جهنم من سكنة الشياطين الى فيه
امير: شياطين!
بيتنا مش فيه حاجة خالص ..انت جبت الكلام ده منين ؟
اب خالته: طب تعالى احضر الجلسه دى مدام مافيش حاجه (شدنى من دراعى اوى)
امير: (فلتت دراعى من ايده ) اوعى يا عم
خليك انت هنا
وانا هروح لامى
ابعتلى عنوان المستشفى فمسج ع بال م اجيب تاكس!
نزلت وسيبته وانا كأنى شايفه من ضهرى .. بصلى بصة طويلة كأنه حاسس ان فيا حاجة غريبة
ومش طبيعيه !
-=-=-=-=-=-=-=-=-=-=-=-=-=-=-=-
دعاء دى وراها سر ؟ "
هالة : هو انت سبت العلاج النفسى وقلبت وبقيت وكيل نيابة ولا ايه ي ايمن ؟
ايمن : فيه ايه يا هالة ؟
هالة: فيه ايه ياهالة ؟؟! مش عارف فيه ايه
من يوم م ابتديت علاج مع الواد ده وانت متغير
وارواح وسجون بولاوى زرقه
واحنا مالنا ب ده كله
ايمن: مهمتى يالهالة انى انجح فعلاج امير.. وانا لحد دلوقتى متقدمتش خطوة واحدة فعلاجه ..عرفتى ليه لازم اكمل
هالة: واحنا مالنا ..عنه م اتعالج
الولد ده سكته وحشة
وكلها معوقات وانا خايفه عليك
ايمن: اول مرة اشوفك بالشكل ده ياهالة .. مش معنى انى باخد رأيك فشغلى يبقى تحكمى عليا اكمل ولا اسيبه
هالة: والله!
انا اعرف ان العلاج النفسى دى مشكله واحد بيحب .. واحدة اتطلقت
واحدة حبيبها مات
واحد بيتعالج من الاكتئاب مثلا
لكن ارواح وواحد مجنون ومباحث وجريمة قتل ومش عايزنى اخاف عليك !
ايمن: انا بحب شغلى .. ولازم اقدمه ع اكمل وجه يا هالة
قصة امير الى انتى شايفه انها كلها محاور ومالهاش اول من اخر
انا هريحك فيها
ده واحد كان عنده اكتئاب عشان حبيبته انتحرت .. وفجأة عاند واستخدم كتاب خطير جدآ لاستدعاء روحها عشان يبقى معاها ويحصلها
وبعدين دخلنا فحوار انها ماتت مقتوله مش منتحرة
ولازم نجيب حقها لان طول م روحها معلقه كده
هتأذى ناس كتير ومش بعيد تأذيه هو
وهو اصلا اساس علاجى
فهمتى بقى
هالة: (مش مقتنعه ومتنرفزة ) مممممممم يعنى انت هتفضل معاه ..
ايمن: للنهاية يا هالة!
هو مش شايف قصاده عشان هو جوه المشكلة!
دورى انا بقى اساعده لغاية م يطلع منها ويرجع يعيش حياته بطبيعيه زى الاول
هالة: (اوك ي ايمن .. الى انت شايفه اعمله!
مرات دكتور ايمن سابته ومشيت وهى مش مقتنعه بمساعدته ليا
فالوقت الى هو كان ابتدى يقتنع بلف نسيج الاحداث
حوالين رقبة دعاء.
-=-=-=-=-=-=-=-=-=-=-=-=-=-=
الام: (بتتكلم بالعافيه) ابنى مات !
امير: ارجوكى ي اى متجهديش نفسك
الام: (بتعيط من تحت جهاز التنفس ودموعها نازله)
امير: انا هعمل عزاه انهاردة .. مع انه ميستاهلش
بس برضو هو اخويا
والله يسامحه بقى ع الى عمله فيا
الام:(بتشاور وبتتكلم بطلوع الروح) اس..استنى.. اط..لع
عشان اش..وفه قبل م يدفن!
امير: يستحسن متشوفهيوش ي امى .. انا همشى
وهجيلك تانى
ميلت بوستها ع دماغها ودموعى من غير قصد نزلت ع وشها وهى مسكت ايدى بشده كان بتقول مش فاضل غير انا وانت ياامير
الفراق قاسى
لما بيكون لاغز الناس
حتى لو كانو عملو فينا حاجة وحشة
حنية الدم بتفضل هى الاقوى ..انك تحس بالحنين برضو ليهم.
-=-=-=-=-=-=-=-=-=-=-=-=-=
" ياايتها النفس المطمئنة.ارجعى الى ربك راضية مرضيه
فأدخلى فى عبادى
وأدخلى جنتى "
صدق الله العظيم
تقريبآ مافيش ناس كتير ...الصوان شبه فاضى
يدوب كام حد من الجيران عالقرايب ،ع اصحابى
بس انا مقدرتش اقعد فالعزا..وبرضو مكنتش عارف ليه
لما بسمع صوت القرآن جسمى كله بيتلبش
وبحس انى عايز اقوله اسكت ..
وفنفس الوقت مش قادر اقف اخد عزا واحد حرمنى من اغلى حب فحياتى ..وحلم عمرى الى عايش عشانه
وانا سرحان وقاعد بكرسى بعيد.. جه ابن خالتى وقرب ناحيتى
ابن خالته: البقاء لله ي امير
امير: سبحان من له الدوام
ابن خالته: زعلان طبعآ..ده اخوك وتؤامك
امير: هو طول عمره ميت بالنسبة لنا ..مش فارقه
ابن خالته: انت ليه مش عايز تقعد فالصوان (بيبصلى بصة غريبة)
امير: ابدآ..عادى
ابن خالته: انت فعلا مخاوى ياامير؟؟
امير: مخاوى ؟! ازاى يعنى
ابن خالته: يعنى مصاحبك جن ؟
امير: جن ! لا طبعآ
شايفنى عيونى حمرا
ولا سنانى شكلهم اتغير
مانا عادى اهو
ابن خالته: بص احنا بقالنا 4 ايام كل يوم بنجمع الشيوخ ونقرا فبيتكم ب الكام ساعه
بيتكم كانت سكناه شياين كتير والعياذ بالله
وواضح انهم حد استدعاهم لسكنه البيت
امير : (انا سمعت وفاهم كل الى بيقوله ده وعارف يقصد ايه بس..بس ممكن يحرمونى انى اشوف فريدة تانى )
ازاى يعنى حد يقول لعفاريت تعالو اسكنو بيتى
ابن خالته: ع فكرة الشيخ خيرى ده راجل متطلع فالدين والفحجات دى..وهو الى قال كده
وقال كمان
امير: قال ايه
ابن خالته: قال انك انت السبب! هما مرتبطين بيك انت
امير: (قمت من مكانى عشان اثبتله عكس ده ) انت بتقول ايه؟
ابن خالته: احنا تقريبآ طهرنا البيت من كل الى فيه .. والحمدلله اعانا الله اننا نخرجه
وفيه ميه بزيت كافور وملح وعليها شوية حجات مقرى عليها دى هتترش فكل ركن فالبيت كل يوم مع تشغيل سورة البقرة
بس لسه فاضل حاجة
امير: (ارتبكت لانى عارف هيقول ايه) فاضل ايه؟
ابن خالته: الى سكان جواك انت !! لازم يطلع
امير: انت بتقول ايه ؟ انا سامعك من الصبح وسايبك تحكى بمزاجك
ابن خالته: متكابرش يا امير..لازم يخرج منك والا الشيخ خيرى قال انه هياخد روح وممكن تموت
امير: اموت!! مش مهم
انا عايز اموت
محدش له دعوة
ابن خالته: بص.. كابر براحتك بس احنا مش هنسيبكم تانى ..لا انت ولا خالتى
ماشى ياامير
الثقه الى اتكلم بيها خوفتنى .. انى مش هشوف فريدة تانى
بس خلاص انا حاولت اجيب حقها ..ويمكن يكون كده اتجاب
بس انا نسيت جملة فيه بصمات تانية مش معروفه هويتها
لاى حد من الى اخدو بصماتهم
يعنى لسه حقك مجاش يافريدة..وعايزين يحرمونى منك!
-=-=-=-=-=-=-=-=-=-=-=-=-=-=-=-=-
وطلعت شقتنا .. وماما اخدتها خالتى عندها عشان مش مأمنه عليها معايا لوحدنا بعد الكلام الى قاله ابنها عليا
،
وفجأة لاقيت الباب بيخبط وانا قاعد لوحدى ومستنى فريدة تزورنى زى كل يوم.
امير: ايوة (فتحت الباب)
مامت فريدة :( معيطه) ازيك يابنى
امير: امى (باس ايدها) اتفضلى
مامت فريدة: انا همشى ع طول
بس كنت عايزة منك حاجة
امير: اؤمرينى ياامى
مامت فريدة: اقرا الورق ده كويس .. قدامى
انا معرفش فيه ايه
بس الورق ده عايزاه فريدة ضرورى
امير: فريدة !
مامت فريدة: جات وطلبته منى كذا مرة لحد م لاقيته لما فتحو الشقه وفتشوها
ورفعو البصمات من اوضتها
كان محطوط تحت مخدتها
وانا مخدتش بالى منه غير دلوقتى من يوم م راحت
امير: هاتى ياخالتى
وانا باخد الورق .. فريدة جت وقعدت ورا مامتها وبصتلها بحب..بس انا مرضتش ابين ابدآ ان فريدة هنا
مع انى كانت وحشانى جدآ
وعايز اتكلم معاها
بس احترمت رغبة حماتى ..وبدأت اقرا الورق!
-=-=-=-=-=-=-=-=-=-=-=-=-=-=-
الدكتور ايمن : انا اسف انى طلبت اقابلك دلوقت
بس بجد
انا محتاج مساعدتك لان انتى الوحيدة الى معاكى حل اللغز
دعاء: وفاة فريدة مش لغز ولا حاجة ..
ايمن: لما تكون متوفيه بقالها 3 شهور.. وانتى متتكلميش غير من كام يوم اكيد ده وراه سر
دعاء: طيب وانت هتعمل ايه بالحقيقة ؟ القضية اتقفلت واتضح ان حازم الى قتلها
ايمن: حازم مقتلهاش.. حازم سرق الفلوس وهرب وسابها حية !
دعاء: وانت عرفت منين ؟ مافيش حد كان معاها اليوم ده
ايمن: عشان فريدة بتظهر لامير وبتقوله كل حاجة !
دعاء: ايه..(قامت مخضوضه واتدلق المج الى طلبته عالترابيزه)
ايمن: اقعدى مالك ..حصل خير
جه الويتر نضف لمكان
دعاء: انت بتقول ايه ؟؟ يعنى امير بيشوف فريدة زىى زيك كده ؟
ايمن: ايوة وهى الى حكت له ان حازم سرقها وهرب..ويدوب زقها
لكن مموتهاش
فريدة اتقتلت بسكينة فاكهه بتاعت شقتهم
دعاء: (عيونها دمعت وحاولت تخبيهم بالمدنيل) انا هقولك كل حاجة اعرفها
مش عشان انا خايفه منك
انا ماليش صلة بالموضوع
بس عشان ارتاح بقى لانها مش سايبانى فحالى
ايمن: هى بتظهرلك انتى كمان ؟ معنى ذلك انك قريتى الكتاب
دعاء: لا مش بتظهر..كتاب ايه الى بتتكلم عنه ؟
ايمن: اومال تقصدى ايه بانها مش سايباكى فحالك
دعاء: بتجينى فالكوابيس وعايزانى اقول الحقيقة ي اما تموتنى
ايمن: قولى يادعاء.. وتأكدى كل الى هتقوليه ده مساعدة لامير يرجع لحالته الطبيعية
وصاحبتك يجيلها حقها !
دعاء: البداية فريدة كانت فالشقه لوحدها يوم اجازة من الشغل .. ومامتها واختها عند خالتها
وهى مرضيتش تروح معاهم عشان كانت متخانقه مع امير
وحالتها النفسية وحشة
ايمن: تمام..وبعدين
دعاء: اتصلت بيا اروح ابات معاها ..احنا جيران وبينا كام عمارة
يعنى مش مشوار
ايمن:اها
دعاء: روحت لها ع انى فعلا هبات عندها واخدت اذن بابا وماما..بس هى كانت متدايقه من حجات كتير
وبدآت كلامها كلاتى..
-=-=-=-=-=-=-=-=-=-=-=-==-=-
نزلت الورق وانا عيونى مش مبطله دموع..
اد ايه الكلام الى فيه ده فظيع
مكنتش اعرف انها اتأذت مننا كلنا كده
بس بعد م قريت الورق ده ..حسيت ان مش واحد بس الى قتلها!
كذا ايد اشتركت فقتلها
مامتها قدامى كانت منهارة من العياط..حتى هى كانت سرحانة وبتعيط وجرحها بيدمى وكانت بتبص لمامتها بحنيه شديدة
ومنطقتش معايا ولا كلمة
الام: انا عرفت دلوقتى ليه يابنتى بتقولى خدويلى حقى من ابويا
عندك حق..
انا من ساعه م زارتنى وقالى الشيخ انها تقصد ورقه..دورت ولاقتها
وانا كنت حاسة ان دى الورق ده مهم ..وقولت اجيبهولك
انت امن واحد تقولى فيه ايه
لانك بتحب فريدة من قلبك يابنى
امير: امى كنت عايز اطلب منك طلب
الام: اتفضل يابنى
امير: تحكيلى كل حاجة من اول يوم بعد وفاة فريدة حصل معاكى ايه لحد انهاردة
والاحلام
والتفسير
وكل حاجة
ضرورى يا امى
الام: حاضر يابنى .. ولو ان دماغى مش عارفه تركز بعد اللى عرفته
بس هقولك الى اقدر افتكره
-=-=-=-=-=-=-=-=-=-=-= -=-=-=-= -=-
دعاء: وبس كده ..عشان كده شوفت حازم وافتكرته امير لانى كنت نازله اصلحها وابات معاها
بس افتكرته امير
وبعدين جه فبالى حاجة مش مظبوطة عنها
ايه الى يودى امير فساع زى دى لفريدة لوحدها ؟
ايمن: وبس خلاص.. هو ده كل الى تعرفيه الى حصل لفريدة اليوم ده
دعاء: لا ازاى .. فيه اهم حاجة!
ايمن: الى هى ..
دعاء: مهما ان كنت مش بحبها اوى .. بس كنت بحافظ ع صورتها لاخر وقت
بس هى الى طلبت اقول الحقيقة حتى لو ع رقبتها
-=-=-=-=-=-=-=-=-=-=-=-=-=-
وتانى يوم الصبح وانا اصلا سهران من بليل اكتب فكل كلمة قالتها حامتى فالاجندة
واكتب كل حاجة حصلت معايا الايام الى فاتت ..وكل حرف
اصل لازم شمس ديسمبر تكمل!
بس الغريب ان برضو فيه بعض الحلقات المفقودة
والى مش عارف اكملها ازاى ..بس انا مش مستعجل هنكملها انا وفريدة سوا
ماما رجعت البيت .. ومبقتش تشتكى من حاجة فالبيت زى الاول
مافيش بس غير انى انا الى ملازمانى روح فريدة
ومش قولتلها ع حاجة زى كده عشان متروحش فيها تانى
وجه معاد الغدا وكانت مبسوطة اوى امى وهى بتحضر عشان اكل معاها ..لاول مرة من كتير
هى صحيح زعلانة ع اخويا
بس هو اذانا كلنا كتير .. ومحى من قلوبنا اى ذكرى حلوة
بس انا كنت بقيت احسن فمعاملتى معاها ..يمكن عشان كنت حاسس ان نهايتى قربت
بس المرة دى هروح لفريدة واعيش معاها للنهاية!
صلاة المغرب فالميكرفون بتاع الجامع الى جنبنا .. ماما كانت بتوطى التلفزيون الى كان بيتذاع فيه خبر وفاة
منتج مشهور
اسمه "عزت الحنفى "!
اثر حادث اليم بسيارته عالطريق دلوقتى حالا
معرفش ايه الى شدنى فالخبر ولاقيت فريدة ظهرت وقعدت جنبى وقالتلى كلمه واحدة!
" انا الى قتلته!!!
يتبع..