إعلامي يهاجم سيد عبدالحفيظ على الهواء: أنت فاشل في كل حاجة (فيديو)

هاجم أحمد الشريف، سيدعبد الحفيظ، مدير الكرة السابق بالنادي الأهلي، تعليقًا على انتقادات الأخير له ولأسامة حسن، ظهير أيسر نادي الزمالك السابق، والذي يقدم برنامج «الزمالك اليوم» على فضائية «الحدث»، حيث وصفه عبد الحفيظ بأن تاريخه توقف عند حصوله على شهادة الإعدادية.
وقال الشريف، خلال حلقة الخميس، من البرنامج ذاته" «أنا مش فاهم أنت عايز إيه، ومش عايز أدخل معاك في أي حدوتة أنت عايز تعملها، وإحنا مش فاكرينك أنت قاعد فين دلوقتي، ما تستفزنيش وتقولي تعالى نتكلم في الكورة، طب ما أنت أصلًا مدير كرة فاشل، ومشوك من الأهلي».
واستمر في حديثه: «هو مين اللي مشى عبدالله السعيد من الأهلي؟ مش أنت اللي قولتله مش هيدولك الفلوس اللي أنت عايزها روح شوف حالك برة، وبرضه ما عرفتش تجدد لأحمد فتحي ومؤمن زكريا، فأنت فاشل كمدير كرة، وطبيعي هتبقى مذيع فاشل، زي ما كنت لاعب فاشل ماحدش شافك غير سنتين والباقي كنت في المستشفى، ده وضعك ما تقعدش تخبط فينا».
وكان عبد الحفيظ، قد فتح النار على أحمد الشريف، قائلًا: «لما تطالبني ما أجيبش سيرة النادي بتاعك، مع إني ما قولتش خبر واحد عن الزمالك، اسمع نفسك بتتكلم على الأهلي قد إيه، مش ممكن يكون منك إتنين لأن البشرية ما تشيلش منك اتنين، أنا كل ما حد يبعتلي حاجة ليك والله العظيم بيجيلي أمل كبير جدًا إن أي حد رغم ضعف الإمكانيات ممكن يطلع في الإعلام ويكلم الناس».
نجم الأهلي السابق، واصل حديثه: «إيه موضوع إني إخوان اللي انتوا عمالين تقولوه، أنت عايز تقول إني بكره الشعب أو الجيش المصري، أنت عارف الجيش بيمثلي إيه؟ أنت دارس الجيش المصري أساسًا وتعرف إنجازاته وعمل إيه، لو كنت بتقرا، تعرف محمد علي مسك مصر إمتى ومين اللي بعده؟ أنت عايز تقول إن أنا إخواني عشان تفهم الناس إني ضد جيشي وبلدي وتبعدنا عن الموضوع الأساسي، أتحداك لو قولتلي حكام مصر من سنة 1900، أنت عايز تهرب لإن الضعيف دايمًا كده، لما تيجي تواجهه في ملعب ياخدك في حتة تانية خالص، ويتهمك إنك حرامي أو نصاب او مرتشي او إخواني، أنا موافق ألاعبك بس خليها كورة ما تتكلمش معايا حاجة تانية، وأنت عارف قوي إن الكورة صعبة عليك».