مجدي عبد الغني لشوبير: هفضحك يا بتاع هبة» (فيديو)

فتح مجدي عبدالغني لاعب الأهلي الأسبق وعضو مجلس إدارة اتحاد الكرة، النار على الإعلامي أحمد شوبير، مهددًا بكشفه عدد من الفضائح التي تمس الأخير على الهواء في أحد البرامج التليفزيونية.
وقال عبد الغني، خلال تصريحاته اليوم الأحد ببرنامج «الكورة في ملعبك»، الذي يقدمه خالد الغندور عبر إذاعة شعبي FM، «أنا هشتري وقت على حسابي للظهور في أحد البرامج، وأطلع السيديهات بتاعة شوبيراللي بيتكلم عن المبادئ والمثل والاخلاق، وييجي يقولي الحاجات دي كانت فين وهو بيكلم الصحفية هبة وبيقولها كلام خارج، والألفاظ اللي قالها عن مرتضى منصور، أنا هكتبله كل ده على الهواء عشان ما هو ما يعلمنيش أنا أقول إيه وما أقولش إيه».
وأضاف، «خليك في نفسك يا شوبير، إنت عندك من الفضايح اللي أنا لو طلعتها مش هخليك تطلع تاني على التليفزيون، إنت مالك أنا بقول إيه، يا أخي أنا هجيبلك المكالمة بتاعتك مع هبة يا بتاع الأخلاق، أنا مش هقول أنا شوفتك في اتحاد الكرة بتعمل إيه أنا مش هتكلم بس هشتري وقت في برنامج وهرد على الإعلام بتاعك المقرف ده».
وتابع، «هو إنت فاكر نفسك هتسوقنا بمزاجك، إنت مع الخطيب براحتك، ليه عايزنا كلنا نمشي على مزاجك، ده إنت عندك بلاوي مسيحة، نسيت لما مسكت صالح سليم شرحته، ورفعت قضية على النادي الأهلي، يابني بلاش أنا ما تستفزنيش، قولتلك 100 مرة إبعد عني، إنت عارف أنا مين وإبن مين يا شوبير وما جتش النادي بشبشب».
واستكمل، «يا عم شوبير إنت قبضت إعلانات من دومتي وكله تمام، عايز أكتر من كده إيه، إنت عايز فلوس وعايز تقود الناس وعايز كل حاجة، وهيجيلك يوم إن شاء الله، ده مرتضى اللي قعد في البيت قاعد تقوله يا سيادة المستشار، ده أنا لو منك ما أستضيفوش تاني يا عم عيب كده، هو الواحد لازم يقعدك في البيت عشان تحترمه، غنت بلاويك كتير بلاش أنا عشان شفت بعيني محدش قالي، ليه عايز تعمل عداوة، هتودي الفلوس دي كلها فين ما تجيبش سيرتي تاني عشان خاطري، وإلا أقسم بالله هشتري وقت في برنامج وهطلع أشرحلك كل اللي عندك».