بالمستندات: ننفرد بنشر نص التحقيقات مع «قاضى الحشيش»

المتهم: الترامادول بتاعي بس الحشيش بتاع السواق ويوستينا صديقتي وكنا رايحين نشوف شاليه
حصلت بوابة « التحرير » على نص تحقيقات نيابة السويس، مع المستشار طارق محمد زكى 35 سنة، رئيس محكمة سابق من الفئة " ب " بمحكمة هيها الابتدائية بشمال الزقازيق.
واعترف القاضى السابق خلال التحقيقات التي حضرها المستشار محمد عبد الحميد جاد الكريم رئيس هيئة الدفاع عن المتهمين، بحيازة الحبوب المخدرة "الترامادول والتامول" بقصد العلاج من إصابته بالظهر كما اعترف باتصاله بأحد الضباط بسيناء لتسهيل مروره من نفق الشهيد أحمد حمدى.
وأكد القاضي المتهم أن عملية تفتيش سيارته تمت عقب موافقته وأن قوات الأمن ضبطت جوال الحشيش ولفافات تحتوى على نفس المخدر داخل سيارته، مشيرا إلى أن سائقه إسلام مصطفى أعترف فى البداية بانه صاحب المضبوطات وأن أحد الضابط طلب منه التراجع عن اعترافه و قال له الضابط "اسكت انت هتودى نفسك فى داهية".
وأشار القاضي خلال التحقيقات إلى أنه تقدم باستقالته بدون أى ضغوط، موضحا أن المتهمة يوستينا مجدى 20 عاما، طالبة صديقته وجارته وكانت متواجدة معه لانهما كانا فى الطريق إلى رأس سدر لمعاينة الشاليهات.. وإلة نص التحقيقات..
س - ما قولك فيما هو منسوب إليك من قيامك بنقل كمية من اللفافات كبيرة الحجم تحوى بداخلها جميعا مادة بنية اللون يشتبه فى كونها " جوهر حشيش " المخدر بقصد الاتجار وفى غير الاحوال المصرح بها قانونا مستغلا فى ذلك سلطتك المخولة لك بمقتضى وظيفتك والحصانة المقررة لك طبقا للدستور والقانون وذلك لتمريرها من المنطقة الحدودية بنفق الشهيد أحمد حمدى لتسليمها لاخر باشتراكك مع اخرين كما هو على النحو المبين بالتحقيقات؟.
- الكلام ده محصلش والحاجة اللى ضبطت فى العربية دى بتاعت اسلام.
س . ما قولك فيما هو منسوب غليك من قيامك بحيازتك لأقراص عقاقير الترامادول والتامول بقصد الاتجار ومن غير الأحوال المصرح بها قانونا ؟
الكلام ده محصلش بس انا عايز اقول انى عامل عملية فى ظهرى ومركب شريحة.
س- ما قولك فيما قاله اسلام السائق بأن تلك الأشياء تحتوى على مواد مخدرة وانك كنت فى طريقك لتوصيلها إلى أشخاص بعد عبورك النفق مقابل حصولك على مبلغ 20 ألف جنيه؟
- الكلام ده غير صحيح وهو بيقول كده عشان ضغط الضباط عليه.
س - وما قولك فيما قدره سالف الذكر بالتحقيقات من حيازتك للأقراص المضبوطة الترامادول والتامول بقصد التعاطى ؟
- هما افتكروا إن الحاجة دى بتاعتى عشان أنا من ساعة ما عملت العملية الدكتور قالى عليه .
س - وهل تناولت ثمة عقاقير مثلها من قبل ؟
ايوه انا باخدها كل حين والاخر عند احساسى بالألم الشديد -
ومتى تناولت اخيرا تلك الأقراص ؟
من يومين تقريبا .
س . وما قولك فيما قدره سالفى الذكر بالتحقيقات من انك تمتلك أربعة هواتف محمولة من بينهم هاتف سامسونج صغير الحجم اسود اللون ؟
- انا معايا ثلاث تليفونات اتنين سامسونج ذهبى اللون وواحد نوت بوك والثانى اس اكس والثالث نوكيا اما التليفون السامسونج الأسود الصغير ده بتاع اسلام.
س- وما قولك فيما اثبته الرائد أسامة مندوه رئيس مباحث النفق بمحضره المؤرخ فى 9 نوفمبر 2016 الساعة الثانية عشر مساءا من انه واثناء قيامه برئاسة الخدمات بكمين غرب النفق وبصحبته النقيب محمد رشاد والقوة المرافقة له شاهد احدى السيارات الملاكى قادمة فى اتجاهه فاشار لها بالتوفق فشاهد بصحبتك اخرين وحال ذلك قررت له بكونك مستشار وبطلب تحقيق شخصيتك وتفتيش السيارة ظهرت عليكم علامات الشك والريبة ولم تبدى عرضا لذلك ؟
- أزاى يظهر عليا علامات شك وريبة وأنا كان معايا ضابط داخل قبلى ولما طلب تفتيش العربية أنا وافقت.
س . وما قولك فيما اضافه سالف الذكر بالمحضر من انه تم تفتيش السيارة بالاستعانة بكلاب الحراسة بعد أن قمت بفتح أبواب السيارة فشاهد حقيبة جلدية وكرتونة ولفافات كبيرة الحجم مبعثرة على الكرسى الخلفى لقائد السيارة وقام احد الكلاب بالنباح ونبش الحقيبة الجلدية واستخلاصها منه فمزق جزء منها وبفتحها فى مواجتهكم تبين انها تحتوى على كمية كبيرة من لفافات كبيرة بفض بعضها تبين ان بداخلها مادة بنية لقطع كبيرة الحجم داكنة اللون تشبه جوهر الحشيش المخدر وتم التحفظ عليكم؟
- الكلام ده محصلش واللى حصل انا حكيته .
س - ما سبب توجهك إلى السويس وماذا حدث معك ؟
- كنت بتفرج على شاليهات فى رأس سدر واتصلت بالضابط صديقى علشان كنت عايز أعدى من الكمين بسرعة عشان أقدر أروح بدرى علشان خاطر ظروف والدى الصحية وبالفعل هو قابلنى بعد بنزيمة "وطنية" اللى قبل الكمين وسلم عليا وطلع بالعربية النيفا اللى كان راكبها بتاعت وانا مشيت وراه لغاية ما دخلنا عند الكمين فلاقينا ضباط شرطة واقفين بيتكلموا مع الضابط صاحبى نزلت عرفتهم بنفسى فقولتلهم خير قالولي نظرا للظروف الأمنية اللى بتمر بها البلد عايزين الكلب يلف حوالين العربية خوفا من المتفجرات وبعد ما الكلب لف لم يصدر ثمة أى أصوات لقيت الضابط بيقولى "معلش يا باشا عشان قعد الناحية الشمال من العربية فعاوزين نفتش الشنطة" قولتله عادى اتفضل.
وروحنا فى مكان واسع جنب الكمين مكان تفتيش السيارات ففتح الشنطة وفتشها ونزل كل محتوياتها وملقاش فيها حاجة خالص لقيته بعد كده بيقولى معلش يا باشا نزل الناس اللى معاك هنفتش العربية من جوه قولت له يا باشا المفروض يبقى فيه إذن نظرا للحصانة رد عليا وقال "يا باشا نظرا للظروف الأمنية وده فى صالح سعادتك خوفا من وجود أى متفجرات" قولتله مفيش مشكلة، نزلت الناس اللى كانوا في فيها وقولتله اتفضل فتش فتح الباب الخلفى للسيارة لاقى شوال بتاع إسلام اللى جايبه من الراجل وبفتحه للشوال وتفريغه شاهد قطع من الحشيش فقام بتكملة تفتيش السيارة فوجد فى تابلوه العربية سلاح صوت وذخيرة صوت وكان متواجد مجموعة من شواحن الهواتف المحمولة ويوجد أيضا تصريح ذخيرة 9 مم وخرطوش ومجموعة من علب السجاير ومجموعة من أسطوانات الكاسيت وانبوبة غاز وولاعات وشاهد حقيبة نسائية وقام بفضها امامى وكان فيها الموبايل الخاص بيوستينا ومجموعة متعلقات شخصية ووجد موبايل أسود صغير وعدد 2 موبايل سامسونج صغيرين خاصين بإسلام وبعد ذلك قام بتجميع الأشياء وقطع الحشيش وقام بالدخول على المكتب المتواجد في الكمين ودار حديث بينى وبين أحد الضباط وسألته العربية فيها أى حاجة وراحوا يفحصوها لمدة ربع ساعة ورجعوا ولما سألته قالى ملقناش فيها أى حاجة وقام أحد الضباط بسؤالى عن قطع الحشيش المتواجد بالسيارة قولتلهم الحاجة دى أنا معرفش حاجة عنها وأنه إسلام كان واخدهم من واحد فى شوال على أساس أنه يديهم لناس قرايبه وسأل إسلام ساعتها قال إن الباشا ميعرفش حاجة عنهم وبعد ذلك قمنا بالتوجه إلى مقر الإدارة بجوار الكمين وفضلنا متواجدين هناك لحد ما اتعرضنا على النيابة وفى ذات الوقت شاهدت إسلام عند دخولى الحمام قالى عمالين يضغطوا عليا عشان أقول أن الحاجة بتاعتك ومعرفتش أكمل معاه الكلام عشان كل واحد كان فى حتة لحد ما اتعرضنا على النيابة العامة وهو ده كل اللى حصل.
س - متى وأين حدث ذلك ؟
- الكلام ده حصل يوم الأربعاء 9 نوفمبر حوالى الساعة 5 تقريبا قبل الفجر فى نفق الشهيد أحمد حمدي التابع لمحافظة السويس.
س- وما هى علاقتك بكلا من سالفى الذكر " اسلام و " يوستينا " ؟
هو اسلام شغال معايا نظرا لظروفه الصعبة ويوستينا جيران واصدقاء-
س - ومن الذى قام بضبطك تحديد ؟
- مجموعة من الضباط المتواجدين بنفق الشهيد أحمد حمدى .
س . وهل تم تفتيش اى منكم ؟
- أيوه وانا كان معايا سلاح مسدس حلوان 9 مم وبداخل خزنته سبع طلقات وكان معايا تليفونىن وانا معرفش فتشو يوسنتينا وله لا .
س - وما هى ظروف تقابلكم مع المدعو ابو خالد ؟
- هو احنا لما جينا نتتحرك بالعربية علشان نسافر لرأس سدر اسلام طلب منى انى اقابل ابو خالد فى الطريق علشان هياخد منه حاجات هيوديها لاقارابه وهو كان بيكلمه فى التليفون واحنا فى طريقنا ناحية ابو صوير وهناك اقابلنا مع ابو خالد وكان راكب عربية تويوتا فورنتيتشر ذهبى اللون عليها من الخلف نسر على الزجاج الخلفى وساعتها اسلام نزل يتكلم معاه وركب العربية تانى وقال احنا هنتحرك وراه عشان ناخد منه الحاجة بتاعتى .
س - وما هى مواصفات ذلك الشخص تحديدا ؟
- أنا مخدش بالى .
س- وهل قام المدعو أبو خالد بتسليمكم تلك الاشياء ؟
ج ايوه هو سلمها إلى اسلام فى طريق ناحية طريق مصر - اسماعيلية الصحراوى .
س - وهل تبين لك كنية تلك الأشياء؟
- أنا شوفت شوال حاطه على الأرض ورا الكرسى بتاعى ولفافات سوداء اللون باكياس بلاستيك عليها لاصق كانت على الكنبة ورايا ومعرفتش اللى جواهم غير لما العربية اتفتشت فى الكمين .
س - هل دار بينك وبين المتهم اسلام مصطفى ثمة حوار بشأن تلك اللفافات والجوال ؟
-لا .. أول لما الحاجة اتحطت انا اتحركت بالعربية ومسالتوش علشان هو قالى ان الحاجة دى بتاعت قرايبه وبعد كده انا اتحركت ناحية النفق علشان اقابل الضابط صاحبى اللى هيعدينا من النفق بسرعة واروح واشوف القرى فى راس سدر وارجع تانى علشان والدى وظروفه الصحية.
س - وهل قمت بالمرور من النفق انذاك ؟
- لا
س - وما الذى حال بينك وبين ذلك ؟
- علشان المشكلة اللى حصلت فى النفق والضابط مكنش على علم بالمضوبطات وانا كمان مكنتش اعرف اللى فى اللفافات والشوال غير لما تفتشوا فى الكمين .
س - ما قولك فيما قرره كلا من يوستينا مجدى عبدالمجيد واسلام مصطفى محمد بالتحقيقات من أن تلك المضبوطات هى خاصة بك والتى حصلت عليها من المدعو "أبو خالد" بمنطقة ابو صوير عقب اجراءك اتصالات هاتفية معه لتمريها لاحد الاشخاص مقابل حصولك منه على مبلغ عشرون الف جنيه وقت تسليمها لاياه باحدى محطات الوقود عقب مرورك من النفق .
- الكلام ده مش صحيح والحاجة دى بتاعة اسلام زى ما قلت.
س- وما قولك فيما قررته المتهمة سالفة الذكر بالتحقيقات من أنه وأثناء تقابلك مع المدعو ابو خالد تابعته بسيارتك من منطقة القصاصين الى منطقة ابو صوير وحال توقفك باحدى الأراضى المسورة بسور أبيض قام أحد الاشخاص بفتح الباب الخلفى الأيسر للسيارة ووضع جوال بلاستيكى على الأرض خلف الكرسى الأيسر وبعض من اللفافات سوداء اللون على الكنبة من ناحية اليسار وحال توجهك إلى النفق قمت بفتح الجوال وأخذ بعض من اللفافات التى تحتوى المواد المخدرة المضبوطة ووضعها بداخل الحقيببة الجلد مما نتج عنه علمها بان ما بداخل اللفافات عبارة عن كمية من المواد المخدرة وحال تقابلك مع احد الضباط لمحاولة مرورك من النفق حدثت بين الاخير وبينك مع باقى القوات الموجودة بالنفق مما دعاهم لتفتيش السيارة عقب سماعهم لنباح صوت كلاب الحراسة والتى تم ذلك بموافقتك فعثر بالسيارة على تلك المضبوطات سالفة الذكر جميعا
-الكلام ده محصلش عشان تأثير الضباط عليها .
س - وما قولك فيما قدره المتهم اسلام مصطفى من قيامك بالاتصال بالمدعو "ابو خالد" لمقابلته بمنطقة أبو صوير وحال ذلك قام الأخير ومن معه بوضع جوال بلاستيكى خلف المقعد الأيسر على الأرض وكذا بعض اللفافات سوداء اللون على المقعد الخلفى واثناء قيادته بالطريق اشتم رائحة حشيش مما نتج عنه علمه بأن تلك الأشياء تحتوي على مخدر الحشيش ؟
-الكلام ده غير صحيح وهو بيقول كده علشان ضغط الضباط عليه.
س- وما قولك فى ما قرره سالفى الذكر بالتحقيقات من حيازتك للأقراص المضبوطة "الترامادول" و "التامول" بقصد التعاطى ؟
هما افتكروا إن الحاجة دى بتاعتى عشان انا من ساعة ما عملت العملية الدكتور قاليلى عليها وكنت باخدها كل حين والاخر عند احساسى بالألم الشديد .
س . ما صلتك بالمضبوطات السابق عرضها عليك الآن ؟
-بشان الطبنجة الحلوان والطبنجة الصوت دول بتوعى والتليفونات السامسونج الثلاثة والسيارة هما دول حاجتى والحاجة التانية معرفش عنها حاجة.
س- ما تعليقك عما قرره الرائد أسامة مندوه رئيس مباحث النفق من أحرازكم وحيازتكم لتلك المضبوطات السابق عرضها عليك بغرض تمريرها من نفق الشهيد احمد حمدى وتسليمها لأحد الأشخاص مقابل 20 ألف جنيه ؟
-الكلام ده محصلش واللى حصل أنا قولته.
س - وهل اجبرك أحد على تقديم استقالتك ؟
- لا
س- أنت متهم بقيامك بنقل كمية من اللفافات كبيرة الحجم تحتوى بداخلها جميعا مادة بنية اللون يشتبه فى كونها لجوهر الحشيش المخدر بقصد الاتجار ومن غير الأحوال المصرح بها قانونا مستغلا فى ذلك سلطتك المخولة لك بمقتضى وظيفتك والحصانة المقررة لك طبقا للدستور والقانون وذلك لتمريرها من المنطقة الحدودية من نفق الشهيد احمد حمدى لتسليمها لاخر باشتراكك مع اخرين كما هو على النحو المبين بالأوراق؟
-الكلام ده محصلش والحاجة اللى مضبوطة فى العربية بتاعت اسلام .
س . أنت متهم بحيازتك واحرازك أاقراص عقاقير الترامادول والتامول بقصد الاتجار ومن غير الأحوال المصرح بها قانونا وذلك على النحو المبين بالاتهام سالف الفذكر .
- الكلام ده محصلش بس عايز أقول إنى عامل عملية فى ظهرى ومركب شريحة واربعة مسامير والدكتور كاتبلى اخد عند الوجع والالم الشديد ربع قرص ترامادول او تامول وانا معايا تقرير طبى بالكلام ده.
س - أنت متهم بحيازتك كمية من قطع بنية داكنة اللون يشتبه فى كونهم جوهر الحشيش بقصد التعاطى ؟
محصلش
انت متهم بحيازة ذخائر عدد طلقة واحدة مما تستعمل على الاسلحة الالية التى لا يجوز الترخيص بحيازتها ؟
-محصلش والطلقة المضبوطة دى مش بتاعتى.
س- انت متهم بقيادة مركبة بدون تثبيت اللوحات المعدنية فى المكان المقرر لها ؟
اللوحات بتاعتها الاصلية المسامير بتاعتها وقعت وانا كنت حاططهم فى الشنطة ومركب على السيارة لوحات بلاستكية مكانها .
هل لديك اقوال اخرى ؟
- أيوه أنا عايز أقول إن أنا مريض وعندى ظروف صحية علشان كنت عامل عملية من اربع شهور ومركب شريحة واربع مسامير فى العمود الفقرى وباخد علاج وحقن كل يوم.