حصل "اليوم السابع" على نص تحقيقات النيابة العامة مع "عبد الله" نجل الرئيس السابق " محمد مرسى " وصديقه " محمد عماد " وقائمة أدلة الثبوت وأمر الإحالة الصادر ضدهما من المستشار مؤمن سالمان المحامى العام لنيابات شمال القليوبية لمحكمة الجنايات بالقليوبية بتهمة تعاطى مخدر " الحشيش " داخل سيارة ملاكى بمدينة العبور. وجاء فى نص تحقيقات النيابة العامة: بمعرفتنا نحن أحمد برهام وكيل النيابة الكلية ببنها "عرض علينا المحضر 3086 لسنة 2014 إدارى قسم العبور المحرر بتاريخ 1/3/2014 بمعرفة النقيب مصطفى محمد السيد الضابط بمباحث إدارة تأمين العبور وبمناسبة تواجد المتهمين شرعنا فى استجواب المتهم الأول بالآتى، فأجاب: اسمى محمد عماد عبد المنعم على الشامى – 24سنة – وأعمل موظفا بشركة راية. س : ما قولك فيما هو منسوب إليك من أنك متهم بحيازة سيجارتين تحتوى كل منهما على جوهر الحشيش المخدر وذلك بقصد التعاطى على النحو المبين بالأوراق؟ ج : محصلش س: ما قولك فيما هو منسوب إليك من أنك متهم بقيادة سيارة بزجاج ملون حاجب للرؤية وذلك بدون ترخيص على النحو المبين بالأوراق؟ ج : السيارة دى مش بتاعتى وهى بتاعة واحد صاحبى كنت واخدها منه علشان أوصل عبد الله محمد مرسى والعربية فيها فامية. س: ما الذى حدث وما هى ظروف ضبطك وإحضارك وأوجه دفاعك؟ ج : اللى حصل أنه بتاريخ 1/3/2014 الساعة واحدة صباحا كنت رايح أوصل صديقى عبد الله محمد محمد مرسى العياط لمنزله بالتجمع الخامس وبعدين وأحنا فى العبور لقينا كمين وقف العربية وبعد كده سألنى عن تراخيص السيارة وطلعتها له وهى رخصة القيادة باسمى ورخصة السير باسم "محمود صالح عبد اللطيف محمد فراج" وده اسم خال صاحبى اللى اشترى منه العربية وبعد كده طلب مننا البطاقة وبعد كده بعد ما شاف اسم عبد الله محمد مرسى طلب مننا ننزل علشان يفتش العربية وفتح الشنطة بتاعة العربية، وبعد كده قال لنا إنه لقى فيها شيشة وبعد كده فوجئنا أن الضابط اللى فتش العربية بيقول للضابط اللى واقف جانبه أنه لقى فيها سيجارتين وقبلها كان فى عربية داخلة على الكمين بعدينا وأول ما شافت الكمين حاولت ترجع بظهرها وكان فى واحد من أفراد الشرطة بيحاول يركب البوكس علشان يجرى وراها والضابط قال له كفاية كده النهاردة وبعدين سألنا السجاير دى بتاعة مين قلنا له ما نعرفش وبعد كده فتشنا ذاتيا وخدوا الموبايلات بتاعتنا وكان "عبد الله" معاه تاب وموبيل بتاعى و3 موبيلات مع "عبد الله" وبعدين خدونى على قسم العبور ده كل اللى حصل". س: من كان برفقتك آنذاك؟ ج : أنا كان معايا صديقى "عبد الله محمد محمد مرسى العياط" س: وما مناسبة تواجدكما بالمكان والزمان سالفى الذكر؟ ج : أنا كنت رايح أوصل عبد الله لمنزله اللى فى التجمع الخامس. س: ملك من السيارة التى كانت بحوزتكما؟ ج: هى بتاعة واحد صاحبى اسمه "محمد ابو السعود" من الزقازيق ومش فاكر اسمه بالكامل. س: متى قمت باستعارة تلك السيارة تحديدا ؟ ج: أنا أخدتها 28/2/2014 حوالى الساعة 8 مساء. س: هل قمت بفحص محتويات السيارة آنذاك؟ ج: لا أنا أخدتها كده وخلاص وما بحثتش فى حاجة بس أنا فتحت التابلوه وخدت منه البرفان بس ماكنش فيه حاجة تانى. س: ما قولك وأن رخصة التسيير الخاصة بالسيارة رقم ون 9836 باسم محمود صالح عبد اللطيف محمد فراج ؟ ج: اللى أعرفه أنها باسم خاله وهو لسه مانقلش الملكية. س: ما علاقتك بالمدعو عبد الله محمد محمد مرسى؟ ج : هو صديقى. س: من الذى قام باستيقافك بالكمين تحديدا؟ ج: هما ضباط بس معرفش أسماءهم ايه. س: من الذى قام بتفتيش السيارة تحديدا؟ ج: أنا معرفش هو كان فى ضباط وأمناء بيفتشوا العربية ومعرفش أسماءهم. س: وما الذى أسفر عن ذلك التفتيش؟ ج: أحنا كنا واقفين بعيد مع ضابط وبعد كده فوجئنا أنهم بيقولوا أنهم لقوا سيجارتين فى العربية. س: وأين وجدوا السيجارتين تحديدا ؟ ج : أنا معرفش هما طلعوها منين لآن أنا ماليش علاقة بهم وأنا ماشوفتهمش وهما بيفتشوا العربية لآن أن وعبد الله كنا واقفين بعيد. س: هل قام أفراد الشرطة بالتعرف على هويتكما قبل تفتيش السيارة ؟ ج: هما طلبوا البطايق بتاعتنا. س: من الذى قام بتفتيشها ؟ ج: أنا معرفش أسماءهم. س: ما قولك فيما قرره النقيب مصطفى محمد السيد الضابط بمباحث إدارة تأمين العبور المؤرخ فى 1/3/2014 الساعة 2 صباحا أنه أثناء تواجده بخدمة قطاعات تأمين العبور وبصحبته كل من النقيب عبد الحميد عاطف والملازم أول محمد البكرى وقوة من الشرطة النظاميين أثناء قيامهم بعمل كمين بميدان الحى الخامس فى الطريق القادم من بلبيس القاهرة، قام بإيقاف السيارة التى كنت تقودها والتى تحمل زجاج ملون وأثناء إطلاعه على تراخيصها تلاحظ له انبعاث أدخنة من داخل السيارة تشبه رائحة مادة الحشيش المخدر وعقب ذلك طلب تحقيق شخصيتكما وأثناء ذلك شاهد السيجارة المشتعلة التى ينبعث منها الأدخنة بطفاية السيارة فقام بتفتيش السيارة وعثر على سيجارة أخرى ملفوفة يدويا داخل تابلوه السيارة، وتبين له أن السيجارتين تحتويان على خليط من التبغ ومادة تشبه الحشيش؟ ج: الكلام ده محصلش س:ولماذا يدعى عليك النقيب مصطفى محمد السيد ذلك؟ ج: أنا معرفش هو بيقول كده ليه. س: هل توجد بينك وبين كل من النقيب مصطفى محمد السيد والنقيب عبد الحميد عاطف والملازم أول محمد البكرى ثمة علاقة أو خلافات؟ ج: ماليش أى علاقة بهم أو خلافات ملحوظة: قمنا بفض الحرز الأول 69/1 مخدرات وعرضناه على المتهم وسألناه ما قولك فيما تم عرضه عليك الآن؟ ج: معرفش حاجة عن الحاجات دى. س: هل سبق ضبطك فى قضايا مماثلة من قبل؟ ج: لا س: أنت متهم بحيازة سيجارتين تحتوى كل منهما على الحشيش المخدر بقصد التعاطى ؟ ج: الكلام ده محصلش س: كما أنك متهم بقيادة سيارة تحمل زجاج ملون حاجب للرؤية وذلك بدون ترخيص؟ ج: ايوة فعلا بس العربية مش بتاعتى. س: هل لديك أقوال أخرى ؟ ج: لا وقمنا بتنحية المتهم الماثل أمامنا جانبا خارج غرفة التحقيق وبمناسبة تواجد المتهم الثانى ويدعى "عبد الله محمد محمد مرسى" خارج غرفة التحقيق فدعوناه بداخلها وبمناظرته التقيناه شابا فى نهاية العقد الثانى من عمره أبيض البشرة طويل القامة ممتلئ البنية ذا شعر أسود اللون طويل وشارب ولحية سوداء اللون ويرتدى الملابس الأفرنجية التى هى عبارة عن بنطال قماش زيتى اللون ويعلو البنطال جاكت ترينج رصاصى اللون بسوسته وبه من الجانب الأيمن والأيسر جيب بأسفل الجاكت ويرتدى تى شيرت اسود اللون بدون جيوب ولا يوجد به ثمة إصابات وبسؤاله شفاهة عن التهمة المنسوبة إليه بعد أن أحطناه علما بعقوبتها وأن النيابة العامة هى التى تباشر معه إجراءات التحقيق أنكرها. وبسؤاله عما إذا كان لديه شهود نفى أو محام يحضر معه إجراءات التحقيق أجاب عن الشق الأول سلبا وعن الشق الثانى بحضور الأساتذة عمر عبد العزيز المحامى ومحمد حسن المحامى وعليه فقد شرعنا فى استجواب المتهم بالآتى فأجاب: اسمى "عبد الله محمد محمد مرسى عيسى العياط" 20 سنة – طالب بالفرقة الأولى بالجامعة الكندية س: ما قولك فيما هو منسوب إليك من أنك متهم بحيازة سيجارتين تحتويان على خليط من التبغ وجوهر الحشيش المخدر وذلك بقصد التعاطى على النحو المبين بالأوراق؟ ج: الكلام ده محصلش. س: ماقولك بما هو منسوب إليك من أنك متهم بعدم حمل تحقيق شخصية بالرغم من أنك من رعايا جمهورية مصر العربية وقد جاوزت السن القانونى المقرر بحملها؟ ج: هما خدوا منى البطاقة فى الشارع وكان معايا رخصة القيادة بتاعتى س: ما الذى حدث بخصوص الواقعة محل التحقيق وما هى ظروف ضبطك وإحضارك وأوجه دفاعك ؟ ج: اللى حصل أن أنا بتاريخ 1/3/2014 الساعة الواحدة صباحا كان صديقى "محمد عماد" بيوصلنى بعربية واحد صاحبه إلى بيتى اللى فى التجمع الخامس وأحنا فى العبور لقينا كمين وقفنا وطلب الضابط من "محمد عماد" الرخصة ورخصة العربية ورخصة السواقة وطلع الرخص وسأله أن رخص العربية مش باسمه قاله دى بتاعة واحد صاحبى وبعد كده طلب البطاقة بتاعتى وبعد ما شافها قال "أنت عبد الله أبن محمد مرسى" قلت له "أيوة" وبعد كده خدنى على جنب وبعدين لقيتهم بيفتشوا شنطة العربية وطلعوا شنطة الهدوم بتاعتى وفتشوا كل حاجة فيها وبعدين لقينا عربية داخلة على الكمين وبتحاول تلف أول ما شافت الكمين وأفراد من الكمين راحت تجرى عليها وبعدين لقينا الضابط اللى خد الرخص قال لهم "كفاية كده ده كده فرجت" وبعد كده لقيته طلع السيجارة اللى فيها آثار احتراق وبعد كده قال للضابط الثانى كمل تفتيش وبعدين قال له أنا لقيت سيجارة تانية وده كل اللى حصل وبعدين خدنا على قسم العبور. س: متى وأين حدث ذلك؟ ج: الكلام ده حصل بتاريخ 1/3/2014 الساعة واحدة صباحا فى الشارع فى كمين فى العبور. س: من كان برفقتك آنذاك ؟ ج : أنا كان معايا محمد عماد وده صديقى. س: ما مناسبة تواجدك بالمكان والزمان سالفى الذكر؟ ج: محمد عماد كان بيوصلنى لبيتى فى التجمع الخامس س: من الذى قام باستيقافكما آنذاك؟ ج: هو ضابط معرفش اسمه طلب الرخص بتاعة العربية. س: هل السيارة تحمل زجاج ملون حاجب للرؤية ؟ ج : العربية فيها فامية أسود وأنا قلت لصاحبى محمد عماد يجيب عربية متفيمة علشان أنا شخصية عامة وما تحصلش مشاكل مع أى حد يشوفنى. س: ملك من تلك السيارة تحديدا؟ ج: محمد عماد قال لى أنها بتاعة واحد صاحبه. س: من الذى قام بتفتيشكما وتفتيش السيارة آنذاك؟ ج: أنا معرفش أسماء بس كان فيه ضباط وأفراد شرطة كتير. س: ما الذى أسفر عن تفتيش السيارة ؟ ج: أنا كنت بعيد عن العربية وهى بتتفتش بحوالى 15 مترا، أنا ومحمد عماد وبعدين فوجئت أنهم بيطلعوا سيجارتين من العربية والحاجات دى ماكنتش موجودة فى العربية س: هل قامت أفراد الشرطة من التحقق من هويتكما قبل تفتيش السيارة؟ ج: أيوة هما خدوا منى بطاقتى وعرفوا اسمى أنا ومحمد عماد. س: ما الذى أسفر عن تفتيشك؟ ج: أنا كان معايا ثلاث تليفونات أثنين سامسونج وواحد أى فون وتابلت آبل وشنطة العربية كان فيها شنطة هدومى وكان فيها تليفون سامسونج نوت ومعرفش راح فين. س: ما قولك فيما قرره النقيب مصطفى محمد السيد الضابط بمباحث إدارة تأمين العبور بمحضره المؤرخ 1/3/2014 الساعة 2صباحا من أنه وأثناء تواجده بخدمة قطاعات تأمين العبور وبصحبته كل من النقيب عبد الحميد عاطف والملازم أول محمد البكرى وقوة من الشرطة النظاميين أثناء قيامهم بعمل كمين بالحى الخامس بالعبور فى الطريق القادم من بلبيس إلى القاهرة قاموا باستيقاف السيارة التى كنتم تستقلونها والتى تحمل زجاج ملون وأثناء إطلاعه على تراخيصها تلاحظ له انبعاث أدخنة من داخل السيارة تشبه رائحة احتراق مادة الحشيش المخدر ثم شاهد سيجارة مشتعلة ينبعث منها أدخنة بطفاية السيارة وبتفتيش السيارة عثر على سيجارة أخرى ملفوفة يدويا داخل تابلوه السيارة، وتبين له أن السيجارتين تحتويان على مادة تشبه الحشيش المخدر؟ ج: الكلام ده محصلش وده مش منطقى لأن وأنا داخل على كمين الطبيعى أن أنا أرمى السيجارة لو أنا بشرب حشيش وأنا داخل على الكمين كنت هارميها من العربية، وعايز أقول كمان أنهم فضلوا يفتشوا حوالى تلت ساعة والسيجارة لو مشتعلة كان زمانها انطفت بس ده محصلش والضابط اللى فتش ما فتشش غير بعد عشر دقائق من بعد ما وقفنا. س: ما هو قولك فيما أضافه سالف الذكر بالمحضر سالف الذكر المنوه عنه من أنه بمواجهتكما بما أسفر عنه الضبط قررتم أن تلك المضبوطات خاصة بمالك السيارة وأنه ليس لكما صلة بها؟ ج: الكلام ده محصلش وهو لما طلع السيجارتين من العربية قلت له أنا ما شوفتش أنت مطلعهم منين ومعرفش حاجة عنهم. ملحوظة: حيث قمنا بعرض حرز السيجارتين على الماثل أمامنا فأنكر صلته بهما ورأينا إثبات ذلك. س: ولماذا يدعى عليك النقيب مصطفى محمد السيد ذلك ؟ ج: أنا معرفش بس أنا بصفتى نجل الرئيس محمد مرسى فأنا عندى خصومة سياسية مع وزارة الداخلية بناء على الأحداث التى تمر بها البلاد. س: هل توجد ثمة علاقة أو خلافات بينك وبين النقيب مصطفى محمد السيد والنقيب عبد الحميد عاطف والملازم أول محمد البكرى ؟ ج: لا مفيش أى علاقة. س: ملك من تلك الهواتف المحمولة المعروضة عليك الآن ؟ ج: هى ملكى أنا وكان فى أى باد كان موجود معايا واتاخد منى من النقيب مصطفى محمد السيد وباتهمه أنه سرق الأى باد وماحطوش على المحضر. س: هل لديك ثمة سوابق جنائية ؟ ج: لا. س: أنت متهم بحيازة سيجارتين تحتويان على خليط من التبغ وجوهر الحشيش المخدر وذلك بقصد التعاطى وفى غير الأحوال المصرح بها قانونا وعلى النحو المبين بالأوراق؟ ج: الكلام ده محصلش. س: كما أنك متهم بعدم حمل بطاقة تحقيق شخصية حال كونك من رعايا جمهورية مصر العربية وقد بلغت السن القانونى المقرر لحملها؟ ج: هما خدوا البطاقة منى فى الشارع وخدوا رخصة القيادة بتاعتى س: هل لديك أقوال أخرى ؟ ج: أيوة أنا عايز أقول أن فى تناقض فى أقوال الضابط فى المحضر أنه كان هو شم ريحة حشيش وبعدين كانوا بيفضوا السجاير فى القسم علشان يعرفوا ده " حشيش ولا بانجو " وفى تناقض فى أقواله. س: هل لديك مزيد من الأقوال ؟ ج: لا وجاء فى أمر الإحالة فى القضية رقم 3086 لسنة 2014 جنايات قسم العبور أنه بعد الاطلاع على الأوراق وما تم فيها من تحقيقات تتهم النيابة العامة كل من " محمد عماد عبد المنعم على الشامى " – 24 سنة – " موظف بشركة راية " مقيم بالزقازيق و" عبد الله محمد محمد مرسى عيسى العياط " – 20 سنة – " طالب بالجامعة الكندية الفرقة الأولى " ومقيم الزقازيق وله محل أقامة آخر بفيلا بالتجمع الخامس لأنهما فى يوم 1 مارس 2014 بدائرة قسم العبور بمحافظة القليوبية حازا وأحرزا بقصد التعاطى جوهرا مخدرا " حشيش " فى غير الأحوال المصرح بها قانونا وقد ارتكب المتهمان الجناية بالمواد 1و2 و 37/1 و 42/1 من القانون 182 لسنة 1960 المعدل بالقانون رقم 122 لسنة 1988 والبند رقم 56 من القسم الثانى من الجدول رقم (1 ) الملحق بالقانون الأول والمستبدل بقرار وزير الصحة والسكان رقم 46 لسنة 1997 ولذلك نأمر بإحالة القضية إلى محكمة الجنايات المختصة بدائرة محكمة استئناف طنطا لمعاقبة المتهمين طبقا لمواد الاتهام الواردة بأمر الإحالة وقائمة أدلة الثبوت. وجاء بقائمة أدلت الثبوت أقوال 3 شهود حيث أكد الشاهد الأول "مصطفى السيد عبد العال " – 27 سنة – " نقيب شرطة بإدارة تأمين العبور بأنه والشاهدين الثانى والثالث استوقفوا السيارة قيادة المتهم الأول وبصحبته المتهم الثانى بالكمين لفحصها أمنيا نظرا لكون زجاجها ملون وما أن فتح قائدها زجاج نافذته حتى اشتم والشاهد الثانى رائحة احتراق مخدر الحشيش تفوح من داخلها منبعثة من سيجارة مشتعلة تم ضبطها بمطفأة السيارة الموجودة بينهما وبتفتيشه والشاهد الثانى للسيارة ضبطا بدرجها الأوسط سيجارة أخرى يختلط تبغها بذات المخدر وقصد المتهمين من حيازة السيجارتين للتعاطى فيما بينهما. وقال الشاهد الثانى " عبد الحميد محمد عاطف " – 27 سنة – " نقيب شرطة ومعاون مباحث إدارة تأمين العبور بمضمون ما قرر به سابقه وقال الشاهد الثالث " محمد بكرى أحمد " – 22 سنة – "ملازم أول وضابط بإدارة تأمين العبور " بما لا يخرج عن مضمون ما شهد به سابقاه و قال الشاهد الرابع" عبد الله عبد الهادى جلال " – 46 سنة – " عقيد شرطة وضابط بإدارة البحث الجنائى بمديرية أمن القليوبية بأن تحرياته السرية دلت على أن قصد المتهمين من حيازة السيجارتين التعاطى فيما بينهما على نجو ما قرره سابقيه. وتضمنت قائمة أدلة الثبوت أنه ثبت من معاينة النيابة العامة للسيارة محل ضبط الجريمة أنها ماركة سكودا أوكتافيا بزجاج ملون وعثر بداخلها على آثار احتراق تبغ السجائر بمطفأتها وكذا لفافة سلوفانية وورقة بيضاء عليها أثار بنية اللون كما تضمنت القائمة أنه ثبت من تقرير المعمل الكيماوى أن السيجارتين المضبوطتين وجد تبغهما مختلطا بفتات جوهر" الحشيش " المخدر وأنه بفحص منقوع أثار الاحتراق بمطفأة السيارة وغسالة اللفافة السلوفانية والآثار المرفوعة من الورقة البيضاء تبين احتوائها جميعا على المادة الفعالة لجوهر " الحشيش " المخدر المدرج بالجدول الأول من قانون المخدرات كما أنه ثبت من تقرير الطب الشرعى أن نتيجة عينتى البول المأخوذة من المتهمين بتحقيقات النيابة العامة بموافقتهما " إيجابية " لنواتج الحشيش. وجاء بتقرير الطب الشرعى الذى حمل رقم 293/ 2014 القليوبية أنه تم تلقى قرار النيابة العامة يوم السبت الموافق 1/3/2014 لسحب عينات بول ودماء من المتهمين كل من " محمد عماد عبد المنعم على الشامى " و " عبد الله محمد محمد مرسى " وتم انتقال الدكتور محمد عبد الغفار بتكليف من رئيس القطاع ظهر نفس اليوم إلى مكان تواجد المتهمين فرفض كل منهما إعطاء العينتين وفى صباح يوم الأحد 2/3/2014 تم التقابل مع المتهم "عماد " تم أخذ عينة "بول " منه ورفض سحب عينة دماء متعللا بإصابته بمرض الخوف القهرى (فوبيا ) المحاقن. وتم التقابل مع المتهم الثانى " عبد الله " وأخذ عينة " بول " وسحب عينة " دماء " منه وجاءت نتيجة التقرير لكل منهما بإيجابية عينتى البول لكل منهما بتعاطيهما للحشيش وسلبية عينة الدم المأخوذة من المتهم "عبد الله محمد محمد مرسى". وكانت محكمة جنايات بنها برئاسة المستشار عبد الرحمن حماد وعضوية المستشارين أيمن البابلى وطلبة فوزى قد قررت يوم الأحد الماضى تأجيل محاكمة عبد الله نجل الرئيس السابق محمد مرسى وصديقه فى قضية تعاطى الحشيش إلى جلسة 3 يونيه المقبل. وجاء قرار التأجيل بناء على طلب دفاع المتهمين بندب كبير الأطباء الشرعيين لمناقشته فى أثر التدخين السلبى على المتهمين أثناء تواجدهما فى غرفة الحجز لمدة 24 ساعة بعد ضبطهما متلبسين بتعاطى مخدر الحشيش داخل سيارة بمدينة العبور مع إخلاء سبيل المتهمين.
