"الشعب" تنشر نص تحقيقات النيابة مع شقيق "شهيد طره"

ورد إلينا نص تحقيقات النيابة مع محمد على عطا شقيق عصام عطا قتيل سجن طره ، والذي حضره سيد فتحي مدير مركز الهلالي للحريات ، ومحامى المجني عليه .
واتهم محمد في التحقيقات أحد ضباط سجن طره بتعذيب شقيقة، وإجباره على شرب ماء به مسحوق غسيل لترجيع ما في بطنه بعد إخباريه من مسجون بتعاطيه مخدرات ،وأكد أن شقيقة كان محبوبا من زملائه وأنه لم يكن يتعاطى أي مخدرات ولم يكن يشرب حتى سجائر .
وأشار إلى أن زميل عصام الذي يعمل بالبوفيه هو الذي أبلغ الضابط ببلع شقيقه المخدرات بسبب خلاف على مبلغ مالي، وقال إن شقيقة طلب منه في التليفون الإبلاغ عن الضابط الذي قام بتعذيبه لكنه أقنعه برفض الفكرة، خوفا من التعرض لأي أذى.
وإلى نص التحقيقات :
س: الاسم
ج: محمد علي عطا الله _ سروجى سيارات 22 سنه مقيم 12 حارة عبد الرايق عادين القاهرة مؤقتا البساتين
حلف اليمين
س: إيه اللي حصل
ج: اخويا بقاله شهور مسجون ومزرناهوش وكان بيكلمنا كتير وبيطلب نزوره وكان عاوز سجاير عشان هي العملة اللي بيشتروا بيها الحاجات جوه السجن .
ويوم الثلاثاء أمي وأيه راحوا له، وبعدين وهو هناك كان في مسجون عليه فلوس لأخويا، وبعدين اخويا طلب منه شاي بالفلوس دى ومرضيش، وبعدين بلغ المباحث بأنه شاف اخويا وهو بياخد مخدارت، وبعدين المباحث اخدت اخويا على جوه وبعدين اخويا قعد يصوت بيستنجد بامى وبعدين طردوها بره السجن، وفى نفس اليوم الثلاثاء اتصل بيها على الموبايل بتاعها من نفس الخط اللي أخده، وقالها أنهم خدوا منه كل الزيارة بتاعته، وانهم ضربوه وحطلوه خراطيم فى بقه وفتحة الشرج، وواحد من المباحث حط فى فتحة الشرج عشان فاكرين انه اخد مخدرات وكمان شربوه ميه بربسو عشان يرجع بالعافيه ، ويشوفوا اذا كان بالع مخدارات ولا لا، وقالهم انه بقالوا 3 شهور محدش زاره عشان يجبلوا مخدارت .
وبعدين هو مدخلش التأديب ولو كانوا لقوه واخد حاجة كانوا دخلوه التأديب ، وتانى يوم الاربعاء اتصل بينا تانى وقال لنا ان الضابط نور مبهدله علشان موضوع المخدرات دا ، وعايز حد يروح يشتكى الضابظ فى النيابة الادراية .
وزميلة اخد التليفون منه وكلم ابويا وقاله ميرحش النيابة علشان ميتأذيش اكتر ، وكويس انه مدخلش التأديب ، وبعد كده انا اخدت التلفون وكلمت عصام وقلت له بلاش نروح نشتكى عشان محدش يأذيك او يأذينا ، وزعل منى عشان مرضناش نبلغ ، وامى اتصلت بيا يوم الخميس وقالتى ان زمايلة كلموها وقالوا لها ان عصام اتنقل على المستشفى وقعدت تلف لحد ما عرفت انه فى القصر العينى ، وبعد كدا قالتى انه مات فى القصر العينى ورحت على هناك لقيته ميت وفى وشه دم وجسمه وارم وبينزف دم ورغاوى من بقه ، ولقيتهم مقطعينله البنطلون والظابط اللى اسمه نور معذبه وهو دا اللى حصل .
س: من الذى قام بزيارة شقيقك
ج: والدتى وواحداة صاحبته اسمها ايه
س: وما الاسم الثلاثى للمدعوه ايه
ج: معرفش
س:علاقته بيها
ج: هى كانت بتحبه وهى كانت عاوزه تزوره وراحت مع امى يوم الثلاثاء
س: هل تمكنت من زيارته
ج: ايوه مكملوش الزياره
س: وما الذى حال دون ذلك
ج: عشان كان فى واحد مسجون عليه لاخويا فلوس ومكنش راضى يدهالوا وراح قال للمباحث انه بلع مخدارت عشان ينتقم منه
س: وما اسمه
ج: معرفش
س: وما الذى حدث عقب ذلك
ج: بعد ما بلغ المباحث خدوا اخويا جوه ضربوه وطردوا امى من السجن
س: وما نيه التعدى عليه
ج: هما كانوا بيضربوه ويعذبوه ويحطوله خراطيم فى بقه فيها ميه برابسو
س: وما سبب اتيانهم هذه الافعال
ج: لانهم صدقوا المسجون لما قالهم انه بلع مخدارت والجاردل بيظهر اذا كان بالع مخدارات او لا
س: وكيف استبان لك ذلك
ج: والدتى اللى حكتلى فى نفس اليوم بتاع الزياره
س: وهل قمت بالابلاغ بشأن ذلك التعدى
ج: لا
س: وما الذى حال دون ذلك
ج: انا خفت يأذوا اخويا اكتر
س: وما هو مضمون الاتصال التانى
ج: يوم الاربعاء هو اتصل على تليفون والدتى وقالها انه بيضرب وبيتعذب
س: وكيف نما ذلك الى علمك
ج: انا لما رجعت من الشغل لقيت امى بتعيط وحكت اللى حصل
س: ما التصرف الذى بدر منك
ج: هو اتصل تانى وكان الساعة 11 ونص مساءا وكان ابويا وامى موجودين وشغلت الاسبيكر وحكى هو بيتعذب ازاى
س:وما مضمون ذلك الحوار تفصيلا
ج: هو قال نفس الكلام وقال ان اللى بيعذبه ضابط اسمه نور
س: وما سبب قيامه بالتعدى عليه
ج: عشان نفس الموضوع وهو المسجون اللى قاله ان اخويا اخد مخدارات وانه استمر يوم الثلاثاء والاربعاء على الحال دا
س: وهل قمت بالابلاغ بذلك
ج: لا
س: ومتى اخر مره دار بينك وبين المتوفى حوار
ج: هى المكالمة دى اخر حاجة وهى كانت يوم الاربعا الساعة 11 ونص مساءا
س: ومتى اخر مره زرته
ج: انا مرحتلوش من ساعة ما اتسجن بس هو كان بيتصل بيا
س: وهل ابلغك بتعرضة للايذاء قبل حدوث تلك الواقعة
ج: لا
س: وهل ابلغت احد بمضون ذلك الحوار الذى دار بينك وبين شقيقك
ج: لا
س: وما هو رقم الخط الذى قام بالاتصال منه
ج: الخط الى امى قامت بادخاله له رقمه 01155164916
س: وما طبيعة سلوكيات شقيقك المتوفى
ج: هو كان غلبان وزى الفل ومالوش فى حاجة ولا حتى كان بيشرب سجاير
س:وهل كان يعانى من امراض عضوية او نفسية
ج: لا
س: وهل حاول الانتحار من قبل
ج: لا
س: وهل هناك ثمه اشخاص داخل السجن سواء من النزلاء او من العاملين به او من المشرفين عليه قام بالتعدى عليه قبل حدوث تلك الواقعة تحديدا قبل يوم الثلاثاء او حدث فيما بينهم وايا من المذكورين خلاق
ج: لا هما كلهم كانوا بيحبوه
س: وما كيفية حدوث وفاة شقيقك
ج: هو مات من التعذيب
س: وهل طرق التعدى تحدث الوفاه
ج: اكيد
س: وهل قصد مرتكب الواقعة قتله عمدا
ج: ايوه
س: ومن تتهم بقتل شقيقك
ج: الظابط اللى اسمه نور بسجن شديد الحراسه
س: وهل يوجد بينه وبينك خلافات سابقة
ج: لا واخويا هو الى قالنا انه بيعذبه
س :وما قولك بشأن ما قرره كل من احمد السيد عبد الرحمن واحمد السيد صديق ومحمد على السيد احمد والسيد احمد عثمان محمد والسيد محمد ابراهيم رزق وهم زملاء شقيقك المتوفى داخل السجن من اصابه شقيقك قبل وفاته باعياء شديد واخبارهم بتناوله اقراص مواد مخدره ادت الى حدوث ذلك الاعياء
ج: الكلام ده مش مظبوط ودول اكيد خافوا يقولوا الحقيقة
س: ما عدد افراد الاسره
ج: ابويا وامى وانا والمتوفى واربع بنات اخواتنا اثنين متجوزين واثنين صغيريين
س: وما اسماءهم
ج: والدتى اسمها انعام حسن راغب واخواتى الكبار ياسمين وايمان والصغيرين شيماء وسلمى
س: واين والدتك الان
ج: هى فى البيت بس تعبانة بالصدمه
س: مطلوب منك ابلاغها بالحضور الى سراي النيابة فور مثولها للشفاء
ج: انا اتعهد بذلك
س: وهل لديك اقوال اخرى
ج: لا .