بالفيديو| عمرو أديب ينتقد إعلانات البوكسر: «إيه الأباحة دي»

أعرب الإعلامي عمرو أديب، عن استيائه من استخدام الأغاني الوطنية، في بعض الحملات الدعائية والإعلانية.
وقال أديب، خلال برنامج «مصر اليوم»، المذاع على قناة «اليوم»: «إيه معركة البوكسر إللي موجودة في مصر، وإيه الأباحة الشديدة دية في الكلام عن الملابس الداخلية بتاع الرجال، وبعدين يقولك وأنت قاعد وأنت واقف، هو في إيه يعني؟، ده في النهاية بوكسر، هي ديه تكنولوجيا، هي دي إللي مصر أنتجته، هو طيارة، ده لا مؤاخذة بوكسر، وبعدين مش كل الناس بتلبسه».
وتابع «يا جماعة شوية بس مراعاة، وكانت أمي الله يرحمها تستخدم كلمة كياسة، ومش لازم النهم التجاري يتعدى الحدود، أنا على عيني وراسي إن دا بوكسر وعايز إعلان، ولو ملابس داخلية للنساء مفيش أي مانع لكن بشويش، لكن إحنا ماعندناش رقابة، بعد شوية وأحسن إعلان فى السنة هو مستشفى 57357».
وأضاف أديب: «لازم يكون هناك قانون لدى المصنفات الفنية، لإيقاف أي إعلان لأغنية وطنية إنه يستخدم في إعلان تجاري، الأغاني الوطنية بتاعتنا لا يتم استخدامها في الإعلانات التجارية، لا بد من بعض الاحترام للتراث الوطني».