من شاب مصرى لمؤسس «فيس بوك» : اتق الله فينا!

عبر فيس بوك تناقل الشباب صورة «برنت سكرين» لرسالة ساخرة من شاب مصري إلي مارك زوكربرج صاحب موقع «فيس بوك» الذي تراجع أداؤه بعد أن أعلن خطوبته وقال : إيه يا عم مارك أنت طلعت عين أبونا .. إيه يا عم اللي بتعمله فينا يا عم اتق الله شوية ده أنا مش عارف اجمع كومنت واحد.. الفيس بوك مهيس عندي وبعدين أنا بستعمله بما لا يخالف شرع الله زي ما أنت عارف و بعدين إيه الاكونتات اللي بتجيلي دي علي الشمال في الجنب كلهم لمؤاخذة شمال يعني يا أخي اتق الله علشان ربنا يكرمك ويباركلك .
وصحيح بطل تقلد بقى .. إيه القرف ده .. ده أنت ناقص تعمل هاش تاج يا جدع هنا .. متقضيهاش كوبي وبيست وحاول تبتكر مش أنا اللي هقولك تعمل إيه يا أبو زوكر ومتقوليش: ذكر ولا أنثى؟... أنت المفروض كبرت علي الهبل ده .
وبالمرة إيه صورة الكلب اللي علي الكفر دي ؟؟ و بعدين إيه أم إعلان سيجنال اللي أنت عامله ده مش مكسوف من نفسك.. إلا دي عمايل التقويم صحيح؟ أصلي بفكر اعمله.
لخص في موضوع تهييس الفيس بوك وحياة ابوك واتق الله فينا يا عم مارك أبوس إيدك.