الرئيس عن «الدولار»: العالم يمر بأزمة اقتصادية.. وأهل الشر أسقطوا السياحة

قال الرئيس عبدالفتاح السيسي، تعليقًا على ارتفاع فواتير المرافق، وانخفاض الدعم: «إحنا قعدنا سنين كتير مش عايزين تكفلة البناء، لو الدولة تقدر تعمل ده دون أن يؤثر على الأجيال المقبلة هتعمل، ليه مش هنعمل كده هل مبنبحش شعبنا، لأ، لكن ده لازم يتم بما لا يؤثر على الأجيال القادمة».
وعن أزمة ارتفاع سعر الدولار، أوضح الرئيس، خلال حواره بمناسبة مرور عامين على توليه الرئاسة: «أنا شفت في حياتي قيود على الاستيراد مش موجودة دلوقتي، وأغلب الاستيراد مش مستلزمات إنتاج، مش عايزين نعامل الدولار كسلعة ونكسب النهارده خمسين قرش، متنساش إحنا في عالم فيه أزمة اقتصادية، والموسم السياحي السنة ديه كنا نتوقع أنه الأفضل، لكن أهل الشر، وقفوا أمام ده».
ودعا السيسي، المصريين في الخارج للمشاركة في البناء لأننا في مصر نتصدى لمشاكل من سنوات كثيرة، والبناء يحتاج وقتًا وجهدًا وصبرًا.
وتابع: «إنتوا بتقولوا المعدلات غير مسبوقة، وفي نفس الوقت الناس لسه مش مبسوطين، أومال كنا هنعمل أيه لو معدل طبيعي، مصر هتبقي مختلفة بعد سنتين أو تلاتة بس بشرط إننا نفضل بنفس المعدل ده».