فيديو| السيسي عن خطاب مرسي الأخير: «شعرت أننا نفقد الفرصة.. وخوفنا على الشعب»

قال الرئيس عبد الفتاح السيسي، إن ما كان يدور في رأسه خلال خطاب محمد مرسي الأخير إننا نفقد فرصة كبيرة، وتابع: «نظام الحكم مكنش قادر يفهم المصريين في الوقت ده، دخل في صراع مع المؤسسات والرأي العام، وكان بيضع الدولة في مأزق كبير، معرفوش إن المصريين محدش يسودهم بالقوة».
وأضاف، خلال حواره بمناسبة عامين على توليه الحكم مع الإعلامي أسامة كمال: «كنت عايز أقوله كده مش هتنجحوا والناس هتخرج ضدكم، الموضوع مبدأش في 30 يونيو، ومهم إننا كلنا نفتكر إننا حاولنا الإصلاح وإيجاد صيغة للتفاهم بين الدولة "النظام وقتها" والمجتمع وليس مع القوات المسلحة فقط».
وذكر: «كان ممكن ملناش دعوة بالموضوع خالص، ولكن ده محصلش من باب إحساسنا بالمسئولية، مكنش في خوف إلا على الشعب المصري والسقوط في الحروب الأهلية، كنا بنشوف الدول اللي حوالينا اللي بتدخل في الصراع ده، كنت بفكر لو دخلنا في الصراع هيحصل ايه، لكن مفيش خوف شخصي أو داخلي لأني أقسمت كوزير دفاع بالحفاظ على البلد».
واستطرد: «قلت أنا مبخفاش بعد 3 سنين تاني، لأن مصر دفعت تمن كبير خلال ال3 سنين اللي فاتوا، فكنت بوجه رسالة للناس عشان لو خايفين أن كتر الضغوط يكون لها رد فعلي سلبي، كنت بطمن المصريين، لا متخافوش».
واختتم: «مش خايفين لأن الدولة واقفة على رجلها، لكن حجم الوعي والفهم القدرة على الفرز تخليك تقول متخافش، حصلت محاولات كتير لتأليب الناس لكنهم رفضوا».