في 10 جُمل.. رسائل صريحة من السيسي للشعب المصري

ألقي الرئيس عبدالفتاح السيسي، كلمة بمناسبة اطلاق إشارة بدء حصاد أول محصول للقمح بمشروع المليون ونصف مليون فدان، بعد إن تم زراعة 7500 فدان منه هذا الموسم.
ويُلخص مصراوي أهم النقاط والجمل التي تحدث عنها السيسي، والتي شكلت رسائل صريحة للشعب المصري بأكمله.
- بدأ السيسي كلمته بتهنئة الشباب الذين رفعوا اسم مصر، وذكر أسمائهم وهي نور الشربيني التي حصلت على بطولة العالم في الاسكواش، ومحمد الشوربجي، وفريق كرة اليد الذي حصل على الدورة الافريقية والذي تأهل للأولومبيات، وعمر الجزيري بطل العالم في الخميسي الحديث، وبكر ثالث عالم في الملاكة، ورمضان درويش ثالث عالم في الجودو.
- اعتبر السيسي أن كلمته اليوم مختلفة عن المرات السابقة مستشهدًا بموقف له :"في الاسكندرية كده كنت ماشي على الكورنيش بدون ترتيب، ولقيت اتوبيس عام والناس اللي فيه بيحيوني والناس اللي فيه بتقولي متخافش احنا معاك، اسمعوا كلامي لو سمحتم وخلوني أقول كلامي لكل المصريين من خلاللكم، وتوقفت كثيراً ليه هما قالولي كده احنا معاك متخافش، وانا هاخد المنبر ده اني ارد عليهم واقولهم اللي يقف يوم 3/7 مايخافش خالص، أنتم مش واخدين بالكم، مش المصريين قوي الشر كلها، واللي يقف في نوفبر 2013 ويدعو لحوار مع النظام في الوقت ده مابيخافش، واللي يقف في الكلية الحربية في يناير، أن مصر تقف في نفق مظلم، واللي يقف ويدي مهله 7 أيام وتنتهي الازمة ما بيخافش".
- " أنا بطمن كل مصري، من كتر زحمة الاحداث القلق، أنا اخذت 2000 قرار واللي ياخد القرار ما بيخافش نهائي من اى حاجة، أنا بطمن البسطاء على مصر، وأنا هتكلم بالتفصيل على الانجازات التي حدثت، وهقول للمصريين في شهر 6 كشف حساب للعامين الماضين".
-وجهت بشدة مشكلات البيروقراطية في مشروع المليون ونصف المليون فدان"، إنه خلال 4 سنوات مشروع الفرافرة سيسلم نهائي، ويعتبر مشروعا قوميا، وهناك مشروع قومي اخر وهو الشبكة القومية للطرق، والذي تم انجازه بالفعل 5000 كيلو، والشبكة عملت ربط لمصر، وهناك 135 كوبري وسينتهوا اخر السنة دي 150، والمتوسط لانشاء كبري 200 مليون جنيه، وكل ده في سنتين فقط".
- يصرف على سيناء أكثر من 30 مليار جنيه، "قولنا هنعمل وعملنا بالفعل، وأول مكنه اتجمعت هتشتغل الشهر القادم، وثاني مكنه في شهر 8 والثالثة في شهر 10 والرابعة في شهر 12، والمشروع اللي كان بياخد سنوات كل ده هياخد سنتين بس".
- "خلوا بالكم يا مصريين لازم تبقوا على قلب رجل واحد، ونخلي بالنا ان في ناس دايما متحفزة".
- "قناة السويس تم انشائها في عام واحد فقط، من أموال المصريين، ومن حوالي شهر ونصف كان هناك مركب تحمل براد حديد، وحدث لها عطل في المياه، نتيجة خلل فني داخل الباخرة، والموضوع اتعالج في شهر، ولا حد حس بينا، والملاحة كانت تسير بشكل طبيعي، وايرادات قناة السويس لم تقل نهائياً، وكلامى أنا مسؤول عنه، بل زادت ولا أحد يسمع كلام عكس ذلك".
-"احنا ضاعفنا الكهرباء، كنا بنتتج 26 الف دلوقتي ضاعفنا العدد ده، ب 400 مليار جنيه، وكل ده علشان مصر تقوم من كبوتها التي استمرت فترة كبيرة وتعاظمت بعد ال 4 سنوات اللي فاتت كان العمل لازم يكون بالمستوى اللي شغاليين بيه، احنا بنعمل 6 مدن جديدة، مدينة في شرق بورسعيد ، والاسماعيلية الجديدة، والسويس، والعلمين، والعاصمة الادراية الجديدة، ومدينة الجلالة، وجميع المدن السابقة، بها مليار متر ارض، ألف مليون متر، لو المتر بألف جنيه هكون بتكلم في ترليون جنيه".
- "أنا مش بخاف ولو خفت مافيش اى حاجة هتخلص هعملها ولا دلوقتي ولا هتخلص بعد 10 سنين، أنا كنت عايز اقول الكلام ده علشان أدي أمل للناس وللمستقبل، وهناك مشروع قومي مش هقدر اتكلم فيه".
-"مصر دولة قانون ودولة مؤسسات وبتحترم نفسها والعالم بيحترمها، والناس مش هتسيبنا، وكل ما هننجح أكتر كل ما أهل الشر هيدوروا على مكايد أكتر فخلي بالكم، أنا عايز اقولكم على حاجة لن أسمح بالاختلاف ابداً، ولا تسمحوا بالاختلاف مصر هتبقى قوية باصراركم انتم وبوحدتكم".