كيف سخر المصريون من تكرار السيسسي كلمة "مبخافش" في خطابه الأخير؟

"مبخافش" و"خايف" و"مش خايف" و"ماتخافوش" كلمات نطق بها عبدالفتاح السيسي، في خطابه من الفرافرة، في مناسبة إطلاق شارة بدء حصاد محصول القمح، ضمن مشروع "المليون ونصف المليون فدان"، والتي حللها مغردون بأنها لا تخرج إلا من شخص خائف بالفعل ويريد نفي الصفة عن نفسه عبر تكرارها.
وقال السيسي -أثناء كلمته-: "مسبتش حاجة واحدة خلال السنتين اللي فاتوا يا ترى أنا كافحت فساد ولا مكافحتش، وحبيت أقول الكلمتين دول عشان أقول للناس: بكرة أحسن وأفضل، مضيفًا: في موضوع تاني متكلمتش فيه لأنه قصة تانية، إحنا مش في دولة حقيقية".
وتابع السيسي، قائلًا: "خلوا بالكم وطلوا على بلدكوا صحيح، دي أشباه دولة، مش دولة حقيقية، إحنا بنتكلم على دولة قانون دولة مؤسسات، دولة تحترم نفسها والعالم يحترمها وكل ما تنجحوا أكتر كل ما أهل الشر هيخططوا أكتر".
وجاء ذكر كلمة "مبخافش" في المواضع الآتية:
(1) "وأنا في إسكندرية من كام يوم، كنت ماشي على الكورنيش لقيت أتوبيس نقل عام، ولقيت الناس وقفوا وحيّوني وقالولي كلمة غريبة، واحد فيهم قالي "ماتخافش إحنا معاك"، وكرر الجملة مرة أخرى: قالي "ماتخافش احنا معاك".
(2) توقفت كثيرًا ليه قالولي كده "إحنا معاك ماتخافش".
(3) "اللي يقف يوم تلاته سبعة (3 يوليو 2013) مابيخافش خالص".
(4) "انتوا مش واخدين بالكم، قوى الشر التي تحاول هزيمة البلد، وأنا بقول اللي يقف في نوفمبر 2013 ويدعو إلى حوار مع النظام في هذا الوقت مابيخافش، اللي يقف في الكلية الحربية في يناير ويقول إنّ مصر تدخل في نفق مظلم نتيجة السياسات دي مبيخافش، اللي يقف ويقول هديكم مهلة 7 أيام لإنهاء الأزمة مابيخافش، اللي يدي 48 ساعة أخرى مابيخافش".
(5) أنا أخدت 2000 قرار في السنتين اللي فاتوا، واللي بياخد القرار مبيخافش".
(6) أنا عاوز أقول للمواطن اللي قالي ماتخافش، أنا اللي بقولهم انتوا اللي ماتخافوش".
(7) "أنتم ماتخافوش أبدًا، صحيح ماتخافوش، طول ما المصريين على قلب رجل واحد".
(8) "عايز أقول للمصريين اللي بيقولولي احنا خايفين، أو المصري اللي بيقولي ماتخافش، لأ أنا اللي بقوله انت اللي ماتخافش".
(9) "اللي أنا بكلمكم عليه تكلفته إجماليًا تريليون و300 مليار جنيه، أنا مبخافش، أنا مبخافش"
(10) "لو خُفت، ولا حاجة من اللي بقولها هتتعمل لا دلوقتي ولا بعد 10 سنين".
(11) "اللي أنا بكلمكم فيه دلوقتي، لو أنا بخاف لا هيخلص دلوقتي ولا بعد 10 سنين".