أخطر 20 تصريحًا للرئيس السيسى بافتتاح موسم حصاد القمح بالفرافرة:"أنا ما بخافش.. واحنا مش فى دولة حقيقية دى شبه دولة"..أخدت 2000 قرار فى سنتين ونص.. دخل قناة السويس زاد.. واللى نزل فى 3 يوليو ما بيخافش

أعطى الرئيس عبد الفتاح السيسى، صباح اليوم الخميس، إشارة بدء حصاد محصول القمح، ضمن مشروع ال1.5 مليون فدان، وافتتاح عدد من القرى الزراعية فى مدينة الفرافرة بمحافظة الوادى الجديد، وكذلك القرية الخدمية، التى نفذتها الهيئة الهندسية للقوات المسلحة، بحضور الفريق أول صدقى صبحى القائد العام للقوات المسلحة وزير الدفاع والإنتاج الحربى، واللواء كامل الوزير رئيس الهيئة الهندسية بالقوات المسلحة، بالإضافة إلى عدد كبير من الوزراء والمسئولين والإعلاميين والشخصيات العامة، وفيما يلى نعرض أخطر 20 تصريحًا للرئيس السيسى خلال كلمته.
أخطر 20 تصريحًا للرئيس السيسى:
1- "كان مهم جدًا أهنئ الشباب اللى رفع اسم مصر خلال الأيام اللى فاتت، وذكرهم بالاسم، ومنهم نور الشربينى التى فازت ببطولة العالم للإسكواش".
2- سوف أقدم كشف حساب للمصريين فى شهر يونيو المقبل، لكل ما تم تنفيذه من مشروعات، وما تم تنفيذه، بدون مبالغة، غير مسبوق ويصعب على أى شعب تنفيذه فى هذه المدة.
3- تم إنجاز 5 آلاف كيلو من مشروع الشبكة القومية للطرق، بتكلفة 50 مليارجنيه، وهذه الشبكة قامت بعمل ربط لمصر، فضلًا عن تنفيذ 135 كوبرى.
4- ما تم إنفاقه على تنمية سيناء إلى الآن، يقدر من 20 إلى 30 مليار جنيه، وسوف يتم تنفيذ 2000 كيلو متر طرق ضمن تنمية سيناء.
5- "أنا مبخافش ولو خوفت كل اللى عملناه مكنش هيتعمل ولا بعد 10 سنين".
6- ""ما سبتش حاجة واحدة خلال السنتين اللى فاتوا يا ترى أنا كافحت فساد ولا مكافحتش، وحبيت أقول الكلمتين دول عشان أقول للناس بكرة أحسن وأفضل".
7- "خلوا بالكم وطلوا على بلدكوا صحيح، دى شبه دولة، مش دولة حقيقية إحنا بنتكلم على دولة قانون دولة مؤسسات، دولة تحترم نفسها والعالم يحترمها وكل ما تنجحوا أكتر كل ما أهل الشر هيخططوا أكتر".
8- لم أكن أتحدث عن المشروعات التى يتم تنفيذها فى البلاد خلال الفترة الحالية "علشان أهل الشر".
9- "أخدت 2000 قرار على مدار العامين ونصف الماضيين واللى ياخد 2000 قرار ما بيخافش".
10- "اطمئن البسطاء الذين قالوا له "متخافش احنا معاك، لأن اللى نزل فى 3 يوليو مبيخافش" .
11- ""سيناء غالية علينا، وأرضنا اللى بنحبها، وأنا بتكلم يحدث فى سيناء إنشاء 15 مصنع رخام و2 خط أسمنت وأراضى زراعية مش أقل من 200 ألف فدان ومحطتين معالجة مياه ومزارع سمكية".
12- "انتم ما تخافوش أبدًا.. وصحيح ما تخافوش طول ما المصريين على قلب رجل واحد ولازم نبقى مع بعض".
13- "حالتنا ساءت كثيرًا جداً من الفساد والبيروقراطية، وكان من المهم أن تغنى الناس "كنا هنبنى وإحنا بنينا السد العالى".
14- مصر كانت تنتج حوالى 27 ألف ميجا من الكهرباء، وبنهاية المشروع القومى للكهرباء سيتم إنتاج ضعف هذا الرقم.
15- "محور الاقتصاد مفرداته قناة السويس التى تم إنشاؤها فى عام وفيه مسئول غربى كبير قال له فى إحدى الزيارات:إدارتكم للأمور فى مصر مثيرة للانتباه"، وأنا رديت عليه "انتم ناس متقدمين عننا، قالى لا".
16- منذ شهر ونصف تعطلت سفينة فى القناة وشطحت وتم تصليحها فى أكثر من شهر، والخسائر المتوقعة لها كانت مليار جنيه، ولكن لأن الملاحة تسير فى اتجاهين لم تحدث الخسائر، والمصريون لم يعرفوا شيئًا عن هذه الحادثة.
17- مشروع الفرافرة إنجاز كبير وصحيح هى دى مصر اللى بجد.
18- "شركة الريف المصرى الموجودة تقدر تقول للناس تعالى استثمر واشتغل دون تحمل أعباء مالية، ومش هتخش مع الحكومة".
19- توسعة قناة السويس كل أموالها من المصريين فقط وتم الانتهاء منها فى عام واحد فى إنجاز كبير للمصريين.
20- "أنا مش هسمح بأى اختلاف بيننا وانتو كمان لازم ما تسمحوش باختلاف يا مصريين".