السيسي للشعب: «اللي وقف في 3 يوليو مابيخافش»

روى الرئيس عبد الفتاح السيسي ما دار بينه وبين بعض المواطنين، خلال جولته بمحافظة الإسكندرية مؤخرًا.
وقال السيسي، في كلمته خلال إطلاقه إشارة بدء إطلاق مشروع "حصاد القمح" بمنطقة الفرافرة ضمن مشروع المليون ونصف المليون فدان، اليوم الخميس: "كنت ماشي على الكورنيش بدون ترتيب خالص، لقيت أتوبيس للنقل العام، والناس وهما واقفين يحيوني قالولي كلمة غريبة، يقولولي ماتخافش إحنا معاك".
وأضاف السيسي: "توقَّفت كثيرًا ليه هما قالولي كده.. أنا ماعرفتش أرد عليهم لأن ماكنش فيه فرصة للرد، لكني بارد عليهم دلوقتي وأقولهم شوفوا اللي وقف يوم 3 يوليو مابيخافش، إنتم مش واخدين بالكم، اللي يقف في نوفمبر ويدعو لحوار مع النظام في الوقت ده مابيخافش، اللي يقف في الكلية الحربية في يناير، ويقول إن مصر تدخل في نفق مظلم نتيجة هذه السياسات مابيخافش، واللي يقف يقول يدي مهلة 7 أيام لنهاية الأزمة، ويدي 48 ساعة أخرى مابيخافش".
وتابع مخاطبًا الشعب: "خدوا بالكم.. أنا باقول كده عشان اطمئن كل مصري، عشان زحمة الأحداث".