كتب: مصطفي جلال أثارت صورة انتشرت اليوم الجمعة، عبر مواقع التواصل الاجتماعي "تويتر وفيسبوك"، جدلًا كبيرًا بين النشطاء، حيث كانت لشاب يحتضن فتاة في الشارع، وهو ما وصفه البعض بالفعل الفاضح. وبدأت حالة من الجدل بين مؤيدي تصرف أصحاب الصورة، ومعارضيهم، وقال ناشر الصورة: "الصورة دي الصحف اتكلمت عنها على إنها فعل فاضح، لكن للأسف هما ميعرفوش إن الحضن مش فعل فاضح، التحرش والاغتصاب والزواج بالإكراه هما اللي فعل فاضح". وأضاف: "إن إتنين طولهم قرب على المترين لسا بيسرقوا من ورا الدنيا والمجتمع حضن هو اللي فعل فاضح، إنهم مش لاقيين مكان يحضنوا فيه بعض غير سلم في الجامعة ده اللي فعل فاضح، إنك تصورهم لأنك مكبوت وأول مره تشوف حضن قدامك كأنك شفت كائن فضائي ده اللي فعل فاضح". وتابع: "الناس اللي ماشية طول النهار تشتم في البنات في الشوارع وتقولهم ألفاظ مؤذية عن جسمهم ووجودهم، والناس اللي بتكسر علي بعض في الإشارات هو ده الفعل الفاضح مش الحضن". ونالت الصورة اهتمام العديد من مستخدمي "تويتر وفيسبوك"، وبدأت في الانتشار بشكل كبير، ودافع العديد عن الشابين، فيما ظل البعض الآخر ينتقد التصرف، مشددًا على أننا في مجتمع شرقي، لا يقبل مثل هذه التصرفات.