بالفيديو| مرتضى منصور: «سيبوا الأهلي والزمالك في حالهم»

أعرب مرتضى منصور رئيس نادي الزمالك عن استيائه الشديد مما يتردد حاليًا على الساحة الرياضية من شائعات، بحسب وصفه.
وقال رئيس الأبيض اليوم الثلاثاء خلال مداخلة هاتفية لبرنامج اللعبة الحلوة الي يقدمه الإعلامي خالد الغندور على قناة "LTC" :«كان في كلام ان عبد الشافي اتفق مع أهلي جدة وان عبد الشافي هيتباع للأهلي، وبقالي يومين بقرأ إننا هنعمل بدل، وإن شيكابالا ومحمد إبراهيم هيروحوا سموحة.. ده كله أي كلام سيبوا الزمالك في حاله من فضلكم، والله العظيم ده كله كذب، والله مافي تبادل ولا في حاجة».
وأضاف: «انت عاوز تدمر الزمالك؟، الموسم فاضل فيه أهم 12 مباراة، أنا بقرأ كمان ان متعب معرفش رايح فين ورمضان صبحي رايح فين سيبوا الزمالك وسيبوا الأهلي في حالهم والإسماعيلي عشان منوقعهمش، لازم نبعد عن الأندية الكبيرة دي سيبوا الناس تشتغل».