فيديو.. أديب: «فوزنا عن نيجيريا بالزّق.. وكل لاعب عاملي فيها جراح وفنان»

علّق الإعلامي عمرو أديب، على الفوز الذي حققه المنتخب الوطني على نظيره النيجيري، بهدف دون مقابل، أحرزه لاعب النادي الأهلي رمضان صبحي، في التصفيات المؤهلة لكأس الأمم الإفريقية 2017 بالجابون، قائلًا: «كل حاجة في البلد دي بتحصل بالتيلة وبالزّق، خلصنا الماتش والله بالزّق».
وأضاف أديب، خلال تقديمه برنامج «القاهرة اليوم»، عبر قناة «اليوم»، «وكمان في آخر دقيقة في الماتش بتوع نيجيريا ضربوا الكورة في العارضة وكانوا هيجيبوا جول، والعيال بتوعنا بيلعبوا جراحين، كله بقى جراح، رمضان يعمل الكورة بالكعب، وإبراهيم كمان، وكل واحد فيهم عمل فيها جراح وفنان، وإحنا بنموت وبننزف دم وإحنا بنتفرج على الماتش».
تابع: «كله فعلًا بالتيلة وبالزّق بس الحمد لله عدت على خير، خلاص المنتخب المصري راح إفريقيا، ونجحنا الحمد لله، اليوم كله ربنا كان ساترها معانا».