«أبلة فاهيتا» تتراجع عن موقفها ضد شادي.. وتؤكد: أنا مابخافش

تراجعت الدمية الشهيرة ب"أبلة فاهيتا" عن موقفها مع مراسل برنامج شادي أبو زيد، وما فعله في فيديو تهنئة الشرطة في عيدها، وتوزيعه عليهم أوقية ذكرية.
وأكدت فاهيتا عبر صفحتها الرسمية في موقع التواصل الاجتماعي "فيسبوك" أنها تعتز بشادي، وبموهبته الواضحة، وتضامنت مع العسكري الغلبان، ومع الحرية أيضًا.
وكتبت فاهيتا: بونسوار.. هما كلمتين وأُرُڤوار.. عزيزي شادي: إنت شاب شاطر وموهوب وعارف غلاوتك عندي حتى بطيشك وجنونك وهزارك الثقيل، أنا متأكده أنك ماتقصدش غير أنك تعبر عن رأيك.. أنت شاب والشباب لما بيحبط بيلوش.. قلبي عندك وحضنك عندي.
ووجهت حديثها للعسكري الغلبان قائلة: حقك علينا، إنت على راسنا من فوق طول مإنت بتحمي بيوتنا وبوتيكاتنا وحقوقنا، وحتى لو ده واجبك.. إحنا مقدرين ومتشكرين. ماتزعلش، ده شباب محبط وتقلها في الهزار، عزيزي الشعب: أحضن نفسك، إنت مالكش غيرك.
وتابعت: عزيزتي حرية التعبير: متكاتفة معاكي ومش ناوية أسيبك، ده إنتي برضك يتيمة زي كارو.
واختتمت حديثها قائلة: أعزائي حبايبي وأعدائي حقكم تاخدوا على خاطركم مني، البيان اللي نزل الأسبوع اللي فات كان صدمة ليا قبل مايكون صدمة ليكوا.. كنت فاكرة إني الأقوي وكلمتي هي اللي هتمشي، لكن طلع فيه الأقوى.. أنا ست حرة وما بخافش ومش هأعيش غير حرة.. بيقولولي يا أبلة كان باين انه مش كلامك، خليكي ساكتة وبكره الناس هتنسى.. قولتلهم المهم أنا إمتى هأنسى.. عزيزي ديوركس: إتنفخت إنت في القصة دي .. عزيزتكم مهما شتمتوها، "الأبلة فاهيتا".