بعد أن تبرأت من فيديو الواقي الذكري لمراسلها شادي حسين ، أصدرت أسرة برنامج «أبلة فاهيتا»، عبر صفحتها السرمية علي "فيس بوك"، بيانًا جديدا، للتعليق علي الواقعة. وقالت «أبلة فاهيتا» في بيانها الذي نشرته على صفحتها الرسمية على «فيس بوك»، إنها تعتز ب«شادى حسين»، وتقدر جهود «العسكري الغلبان». وأضافت:«عزيزى شادى إنت شاب شاطر وموهوب، وعارف غلاوتك عندى حتى بطيشك وجنونك وهزارك الثقيل، أنا متأكدة أنك ماتقصدش غير إنك تعبر عن رأيك، أنت شاب والشباب لما بيحبط بيلوش، قلبى عندك وحضنك عندى». وحرصت «أبلة فاهيتا» على الاعتذار وترضية أفراد الشرطة، قائلة: "عزيزى العسكري الغلبان، حقك علينا، أنت على راسنا من فوق طول ما أنت بتحمى بيوتنا وبوتيكاتنا وحقوقنا، وحتى لو ده واجبك، إحنا مقدرين ومتشكرين. ماتزعلش - ده شباب محبط وتقلها في الهزار". ووجهت رسالة للشعب، قائلة: «عزيزى الشعب أحضن نفسك، أنت مالكش غيرك، عزيزتى حرية التعبير، متكاتفة معاكى ومش ناوية أسيبك، ده أنتى برضك يتيمة زى كارو». وتابعت أبلة فاهيتا: «أعزائى حبايبى وأعدائى: حقكم تاخدوا على خاطركم منى، البيان اللى نزل الأسبوع اللى فات كان صدمة ليا قبل مايكون صدمة ليكو.. كنت فاكرة إنى الأقوى وكلمتى هي اللى هتمشى، لكن طلع فيه الأقوى.. أنا ست حرة ومابخافش ومش هاعيش غير حرة.. بيقولولى يا أبلة كان باين إنه مش كلامك، خليكى ساكتة وبكره الناس هتنسى.. قولتلهم المهم أنا إمتى هنسى». وفى ختام البيان، ذكرت فاهيتا: «عزيزى ديوركس اتنفخت أنت في القصة دى، عزيزتكم مهما شتمتوها، الأبلة». يذكر أن مالك أحمد وشادي حسين، وزعا «أوقية ذكرية» على أنها «بلالين» على أفراد الشرطة، خلال احتفالهم بعيد الشرطة السابق، ووجودهم في ميدان التحرير في ذكرى ثورة يناير الماضية.