بالفيديو.. أحمد موسى: الحشود في الميادين تخطت عدد سكان الصين

سخر الإعلامي أحمد موسى، اليوم الإثنين، من غياب المظاهرات بالشوارع والميادين، بالتزامن من حلول الذكرى الخامسة لثورة 25 يناير؛ قائلًا: «أنا شوفت النهاردة الملايين اللي نزلت، شوفت النهاردة متظاهرين أكتر من عدد سكان الصين، مليار و400 مليون نزلوا وملأوا كل أرجاء الوطن المصري، من أقصى الشمال إلى أقصى الجنوب، الواحد مكنش عارف يمشي من كتر الناس».
أكمل «موسى»: «أخدت من 6 أكتوبر إلى مسجد وسط البلد 18 ساعة، خرجت من الساعة 10 من البيت ولسه واصل دلوقتي، مفيش موضع لقدم، لدرجة أن بتوع المرور النهاردة مش لاقيين مكان يقفوا، حجم الحشود كان كبير جدًا، والبرادعي كان بيقود مسيرة من مسجد الاستقامة للتحرير بها الكثير من أتباعه، كأننا يوم 28 من جديد».
أضاف موسى، خلال تقديمه برنامج «على مسئوليتي»، عبر فضائية «صدى البلد»، «طبعًا كل الكلام اللي أنا قولته ده هلامي خيالي وكلام فارغ، مع أني كنت منتظر محمد مرسي يرجع النهارده زي ما وعد، وأن الثورة تنجح، نسيوا تمامًا إن محدش هيقدر يقرر الدرس تاني».