بالفيديو.. مشادة بين توفيق عكاشة وخالد صلاح بسبب «الحشد ل30 يونيو»

قال الإعلامي توفيق عكاشة، اليوم الإثنين، إن «تعيين مُعين في مجلس النواب، ثم انتخابه رئيسًا، يعد تضييعًا للبرلمان؛ لأن ذلك سيُسقط هيبته أمام دول العالم».
وأضاف عكاشة، خلال حواره مع الكاتب الصحفي خالد صلاح، ببرنامج «آخر النهار»، عبر فضائية «النهار»، «أنا أصلح لرئاسة البرلمان لأني استطعت أن أحشد لثورة 30 يونيو بمفردي»، فعلق صلاح مستنكرًا: «إنته لوحدك؟ أمال إحنا كنا بنعمل إيه؟»، فرد: «إنتوا كلكم كنتوا بتجاهدوا من الاستديوهات»، فعلق: «أنا كنت بجاهد من الاستوديو؟»، فقال عكاشة: «أنا مشفوتكش في ولا مظاهرة»، فرد مقدم البرنامج: «كلنا نزلنا، وأنا مكنتش بنزل المنصة عندك لكن كنت بنزل»، فرد عكاشة: «كل الزملاء كانوا بيجاهدوا من الاستوديو ومحدش منكم نزل».
وقال صلاح: «يعني إنت حشدت للثورة لوحدك؟»، فقال عكاشة: «أيوه حشدت لوحدي وكان معي الله»، فعلق صلاح: «دي مبالغة في دورك يا دكتور، لأن الإعلام كله كان معاك»، فرد: «إنت حشدت؟ ولا فيكم واحد عمل ده، في إيه يا بيه، لماذا نريد أن نضرب حقوق الناس».
وتابع عكاشة: «مفيش حد غيري قال لمرسي إنه لا يعترف به رئيسًا، أنا عملت كده يوم توليه الرئاسة، وأقسمت إني هشيله، لكن إنتوا كنت تابعين ومحدش عمل حاجة غير بعدي، حد فيكم طلع قرار بالقبض عليه بتهمة قلب نظام الحكم، كلكم كان لكم قدر، ولكني أختلف، لأني أصدرت بيان إقالته قبل بيان الجيش».
وردًا على سؤال «كان دورك أقوى في الحشد ولا باسم يوسف»، عقب عكاشة: «باسم مين يا حج، إنت هتشبهني بواحد بتاع نكت»، فقال صلاح: «ما إنت كمان كنت بتقول نكت»، فرد عكاشة: «أين باسم الآن، أنا لم أتدرب في أمريكا، ولم أتعلم على يد الدكتور سعد الدين إبراهيم زي باسم، باسم مكنش بيبني رأي عام، ولا يقدم ثقافة ووعي وعلوم، إيه يا أستاذ خالد، حتى حملة تمرد خرجت من جوايا، أنا من تبناها».