بالفيديو.. مدحت العدل عن ضحايا الألتراس: «احنا مبقاش عندنا دم»

نعى الدكتور مدحت العدل، ضحايا ألتراس الزمالك "الوايت نايتس"، قائلًا: "أنا بنعي كل أسر شهداء الوايت نايتس، وبعزي نفسي قبل أي حد، في موت الشباب اللي زي الفل دول، اللي راحوا ضحية اللي حصل".
وأضاف "العدل"، خلال حلقة أمس من برنامجه "إنت حر"، المذاع عبر فضائية "2 cbc": "الحقيقة أنا ليا وقفة شوية مع اللي حصل، لأننا من ساعة الحادثة وإحنا بنشوف سيرك عجيب الشأن، وزي مايكون اللي ماتوا دول فراخ مش بني آدمين".
وتابع: "أنا مندهش إن في ناس بتبرر في التليفزيونات، وبتقول دول كانوا واخدين فلوس علشان يبوظوا الماتش، طيب أنا موافقك يا أستاذ يا إعلامي، بس برضو يكون جزائهم إنهم يتقتلوا، هو إحنا مبقاش عندنا دم خالص، يعني ببساطة كده بنبرّر".