أمم أفريقيا : بديهي لو مش بتدافع، يبقى بتهاجم، ولو مش بتهاجم يبقى بتدافع، طبيعي جدًا إنك تعمل حاجة من الاثنين، باختلاف طريقة التقديم طبعًا، لكن عدم تقديم شئ، ده شئ غريب جدًا، مع كوبر كان عندنا شوية ملامح عن الفريق، إننا بندافع، ومبدأنا الدفاع، حتى وإن كان عقيم، لكن مع أجيري ايه نوع الكورة اللي بنقدمها؟ ونحيطكم علمًا وبؤسًا إن دي تعتبر المرة الأولى للمنتخب بعد 2010 اللي نسجل فيها هدفين بعد ماتش الجزائر اللي كسبناه 4-0، والبائس إن ده حصل مع مدرب محدش عارف ملته ايه. أمم أفريقيا : منتخب مصر يعانب علي كل المستويات مع أجيري أمم أفريقيا : احنا في الدفاع لولا حجازي والعرضة لخسرنا أمام الكونغو، وفي الهجوم مش بنهاجم غير بتريزيجيه وصلاح ومروان محسن اللي بيكون عبارة عن اسم بس، مبيقدمش أي حاجة، مروان محسن عبارة عن نسخة مصغرة من كريم بنزيما، وأشك إنه بنزيما فعلًا ومتنكر، بس الفكرة إن الولا حاجة اللي بيقدمها أجيري مش بتخلينا نشوف جزء ولو بسيط من مروان محسن أو بنزيما، فهنشيل اسمه ونحط تريزيجيه وصلاح أمم أفريقيا : لا أحد ينكر مجهود طارق حامد العظيم، لكن خط الوسط عبارة عن شئ خالي من الإبداع، خط وسط مش بيقدم أي زيادة هجومية، طارق حامد بيدافع وبيقطع مش بيزيد، والنني نفس الشئ دفاعي بحت،لولا تريزيجيه فعلًا في الماتش ده والتعدية اللي عملها في الجول الثاني، كان هيحصل مشاكل كتير في الشوط الثاني، ولازم نذكر إن صلاح حتى وهو بائس فهو بيظل خطير برده، والهدف اللي سجله ده بيحتاج لاعب كبير وذكي جدًا، وطبعًا فيه الوصايا السبع اللي أهمها بلاش نقارن بين تريزيجيه وصلاح لأن الاثنين عظماء جدًا. أمم أفريقيا : منتخب مصر في خطر نفس الكلام اللي اتقال في ماتش زيمبابوي هتحطه هنا في ماتشالكونغو، نفس المشاكل ونفس المساحات، ومفيش أي منظومة للضغط برده، أنا نفسي أفهم احنا بنكسب ازاي أو ليه، منطقيًا بنكسب علشان بنلعب على أرضنا، وفي أي ماتش ضد أي فريق كبير يستغل نقاط ضعفنا اللي هو مش موجود غيرها اساسًا، هنشيل وهنشيل كتير، ولسه نسبة فوزنا بالبطولة دي عبارة عن شئ مستحيل، وإن كنت أتمنى العكس.
