رسائل من وحى الإسبوعين السابع والثامن ..

- الدورى المصرى : إسبوعين مروا ولم نحس أى شغف أو إهتمام به ، هو للدرجة دى الأهلى وجماهيره مؤثرين !!
- اتحاد الكرة : بعد عملتكم اللى ما تسمى وتظبيط الماتشات وتقييفها فكرتونى بتظبيط إنتخابات مجلس الشعب بتاعة عز ، يارب تبقوا جيرانه !!
- محمود عاشور : مش عارف ايه موضوعك مع شيكابالا !! السنة اللى فاتت تحسبله ضربة جزاء وهمية مع الاتحاد ، والسنة دى تحسبله برضه ضربة جزاء خيالية !! انت ايه علاقتك بالظبط مع شيكا ؟!!
- أحمد شكرى : بصراحة انت بتحرق قلبنا كل مباراة تتألق فيها ، منك لله ياللى كنت السبب !!
- طارق العشرى : مدرب لديه إمكانيات فنية عالية وزادت بالخبرة التى وصل إليها ، بالإضافة لإكتشافه لاعبين صغار جيدين والدفع بهم فى التوقيت السليم .
- مصطفى يونس : عاوز أشوفك بتعمل حلقة واحدة من غير ما تجيب سيرة الأهلى وتغلط ، بس مش هتقدر لأنك مفلس وعارف إنك واخد الأهلى سبوبة علشان جماهريته وبرنامجك يحقق أكبر مشاهدة ، لكنك مخطأ فى حق الأهلى وفى حق الإعلام ، لأن الإعلام رسالة لنشر الحقائق وليس نشر السموم والأحقاد .
- ميدو : مش فاهم كلمتك إن قرعة أفريقيا ظلمتكم بس الزمالك مرعب !! دى عاوزة كونسولتو فى ايه ظلمتكم يعنى مضغوطين من القرعة ودا يتنافى مع الرعب ، لأن المرعب ما بيخافش ولا دا مرعب ميت عقبة بس !!
- حسام حسن : مش فاهم انت كل شوية تقول جمهور الزمالك أحسن جمهور ، هو حد قالك لما تكررها كتير هيطلعلك شعر تانى !! على العموم الحرقة صعبة معلش .
- مباراة بايرن ميونيخ : أكبر دليل على إن الأهلى كبير الكرة المصرية والعربية والأفريقية .