احتفالية العيد.. سامح حسين: مش لازم ناخد كل الأعياد إجازات.. إحنا ورانا شغل كتير أوي

هنأ الفنان سامح حسين، الرئيس عبدالفتاح السيسي والمصريين بمناسبة عيد الفطر المبارك، معربًا عن أمله في أن يجعله الله عيدًا سعيدًا على كل الأمة الإسلامية.
وأضاف خلال احتفالية عيد الفطر المبارك، بحضور الرئيس السيسي، صباح الاثنين: «مصر فيها حاجات حلوة كتير أوي، من ضمنها إنك مش محتاج مناسبة معينة عشان تسمع جملة كل سنة وأنت طيب وتقدر تقول لها لأي حد وفي أي وقت».
وواصل: «إحنا شعب بيحب الحياة والاحتفالات، وأبهر العالم بقدرته العجيبة عل الضحك في أصعب المواقف».
وأكمل: «ربنا خلقنا كده بنحب الضحك والفرحة، والعيد فرحة، ويارب يكتر أفراحنا وأعيادنا.. بس مش ضروري ناخد كل الأعياد دي إجازات إحنا ورانا شغل كتير أوي أوي أوي».
وحضر الرئيس عبدالفتاح السيسي، صباح الاثنين، احتفالية عيد الفطر المبارك التي نُظمت بمركز المنارة للمؤتمرات الدولية، بحضور أبناء شهداء القوات المسلحة والشرطة وعدد من مصابي القوات المسلحة والشرطة.
واستُهلت الاحتفالية بعرض فيلم تسجيلي بعنوان «ذكريات العيد»، تلاه تقديم كورال أطفال دار الأوبرا المصرية أغاني العيد، كما شهدت الاحتفالية فقرات فنية متنوعة من عدد من الفنانين.
وأضاف السفير محمد الشناوي، المتحدث الرسمي، أن الرئيس كرم خلال الاحتفالية عددا من أسر شهداء ومصابي القوات المسلحة والشرطة، كما حرص على التقاط الصور التذكارية مع الأطفال وأبناء الشهداء في منطقة الألعاب المفتوحة، ومشاركتهم الفرحة بقدوم عيد الفطر.