محمد نور: النجاح الفردي لأعضاء فريق واما يسعدني

كشف الفنان محمد نور، عن رأيه في أغاني المهرجانات، موضحا أن لكل مقام مقال، والفنان يقدر يغني كل ألوان الأغاني، وأنا قدمت أغنية "جاني في ملعبي" وهي من توزيع إسلام ساسو، والأغنية كانت جميلة جدا.
وخلال استضافته في برنامج "الستات ما يعرفوش يكدبوا"، على قناة "CBC"، تطرق نور، للحديث عن علاقته بأصدقائه في فريق واما، قائلا: "أحمد الشامي من أطيب الشخصيات، وأحمد فهمي من أكتر الشخصيات اللي بتفهمي بشكل مباشر، ونادر حمدي من أكتر الشخصيات الكتومة ما تفهموش بسهولة يعني ما تعرفش هو فرحان ولا زعلان ولا متضايق".
وتابع: "أنا الحقيقة مبسوط أن كل واحد عمل حاجة ونجح، ولما بنرجع مع بعض بنجتمع بنعمل حاجة حلوة، وروحنا كمان حلوة مع بعض، إحنا ناقص بس نعمل فيلم سوا.. إن شاء الله يعني".
وعن احتمالية تقديم فريق واما عمل سينمائي مشترك، قال الفنان محمد نور: "إحنا كل شوية نمضي حاجة وبعدين كلنا بننشغل بأعمال تانية ونأجل التصوير، يعني في أفلام كتيرة ماضيين عليها ولسه مصورناش".
وأعرب عن حبه لتقديم كل ما هو جديد، وأن تكون الأغنية جيدة، قائلاً: "بحب اشتغل مع ناس فاهمين وأعمل حاجة حلوة تعجب الجمهور".