تامر أمين عن فيديو مدرس الفلسفة سيد العراقي: داخل زي ما يكون رئيس جمهورية

علق الإعلامي تامر أمين، على واقعة سيد العراقي مدرس الفلسفة الذي شوهد بين طلابه وهو يُستقبل بشكل مهيب عقب وصوله بأسطول سيارات فارهة، وإلقائه حصة مراجعة لطلبة الثانوية العامة.
وقال أمين خلال برنامجه "آخر النهار" عبر شاشة "النهار"، مساء الأربعاء: "الحصة حضرها آلاف الطلبة.. والعدد كان في الليمون والطلبة كانوا قاعدين في رؤوس بعض وإحنا في زمن كورونا.. يعني اللي حصل ده كان سبوع كورونا أو عيد ميلاد كورونا".
وأضاف: "المشهد ده درس خصوصي عبارة عن مراجعة نهائية في مادة الفلسفة والمنطق لطلاب الثانوية العامة.. المدرس ده فرحان بنفسه وشعبيته وجماهيريته وقدرته على حشد أكبر عدد من الطلبة وكان مجهز الكاميرا الدرون اللي عاملة زي الهليوكوبتر علشان تصور من فوق".
وتابع: "المدرس دخل بعربيته (الفارهة) والعربية اللي وراه فيها البودي جاردات.. داخل زي ما يكون رئيس جمهورية.. إحنا مش بنشوف الكلام ده غير في مواكب الزعماء".
وأكمل: "اللي حصل لا يُصدق.. وعمري ما شفت طالب بيحب مدرسه أصلا.. أقسم بالله لو داخل انتخابات ما هيعمل كده".