أحمد موسى عن واقعة مدرس الفلسفة سيد العراقي: لو وزير مش هيستقبلوه كده

علق الإعلامي أحمد موسى، عبر واقعة مدرس الفلسفة سيد العراقي الذي ظهر بين الآلاف من طلابه وهو ينزل من سيارة فارهة، ويحيط به البودي جاردات.
وقال موسى خلال برنامجه "على مسؤوليتي" عبر شاشة "صدى البلد"، مساء الأربعاء: "لو وزير راح المدرسة مش هيستقبلوه كده.. واضح إنه عامل حالة، لدرجة احتضان الطلبة له وتصويره بالدرون.. إحنا لازم نعرف قدرات الراجل ده إيه".
وأضاف: "أستاذ سيد وصل بحالة استعراض سيارات فارهة وتم استقباله بشكل أسطوري في حصة مراجعة في مركز شباب".
وتابع: "الطلبة كانوا قاعدين منظمين لإنهم حابين المدرس بتاعهم.. الراجل ده عنده قدرة إنه يجمع الطلبة بالشكل ده".
وأكمل: "قد تكون الحصة دي بالمجان لكن الحضور بالشكل ده له دلالة كبيرة جدا.. الطلبة وأسرهم بيحبوا المدرس ده".