وجه الإعلامي عمرو أديب رسالة إلى جمهوره في مطلع العام الجديد قائلًا: «أتمنى ليكم سنة جميلة، وأرجو إننا نكون قدمنا حاجة للإعلام العربي والمصري، وإحنا في الإعلام فينا ناس كويسين وناس مش كويسين زي أي وظيفة تانية». وأضاف خلال تقديمه برنامج «الحكاية»، المذاع عبر فضائية «إم بي سي مصر»، مساء اليوم الاثنين: «أنا مدرستي في الإعلام إني أسليك، هتقولي أنت بتاع تسلية؟ هقولك آه، أنا بتاع ترفيه، شغلتي أعملك حاجة بتسلية». وأوضح أنه يعمد إلى وضع المعلومات الصعبة في قالب مسلٍ؛ كي تصل إلى الناس، معقبًا: «ودوري إني أقولك أصعب الأشياء بشكل مسلٍ ودمه خفيف ولطيف، ويخليك سعيد وأنت بتسمعه، أنا مش دوري أبدًا إني أنكد عليك، أنا دوري أقولك كل حاجة وأنت مبسوط كده».