فيديو.. عمرو أديب ل«الأوقاف»: «الدولة مفيهاش حاجة باينة بعد 5 سنين»

انتقد الإعلامي عمرو أديب، خطة وزارة الأوقاف لتقديم قائمة بموضوعات خطبة الجمعة لمدة 5 سنوات مقبلة وعرضها على الرئيس عبد الفتاح السيسي، قائلًا: «معقولة كده يا جماعة، ده مينفعش 5 شهور حتى».
وأضاف «أديب»، في لقاء ببرنامج «كل يوم»، المذاع على فضائية «On E»، مساء السبت: «كل أسبوع بيبقى فيه حاجة، فلو الدولة شغالة مثلًا في تنظيم الأسرة، الخطبة هتكون عن كده، ولو في إرهاب في أسبوع معين، الخطبة تبقى عن الإرهاب»، قائلًا: «هو احنا يا إما نعمل الخطبة على الهوى، ونألفها، ونقول فيها أي كلام، يا نعملها ل5 سنين قدام».
وتساءل: «هل يعتقد وزير الأوقاف أن الرئيس سيقرأ موضوعات الخطب للخمس أعوام المقبلة، طب لو جه رئيس تاني هنعمله خطب جديدة؟».
واستطرد: «ده الدولة دي مفيش أي حاجة باينة فيها بعد 5 سنين، أنا أشك إن في مؤسسة في مصر تعرف كمان 5 سنين فيه إيه، بلاش 5 سنين، كفاية 5 أشهر لأنها دولة غلبانة».
كانت وزارة الأوقاف ، قد أعلنت الخميس الماضي، عن انتهائها من إعداد قوائم موضوعات الخطب، وتوزيعها على الخطتين قصيرة المدى، وتشمل 54 موضوعًا للعام الأول، ومتوسطة المدى وتشمل 270 موضوعًا لمدة خمس سنوات؛ تمهيدًا لعرضها على الرئيس عبد الفتاح السيسي.