عن الاشتياق …سوف احكى عنك – فضفضة 3

شموس نيوز – خاص
انك تبقي مشتاق لحد ده يعني ايه بقي ؟؟؟….. انا اقولك
يعني انك تبقي مريض ومستني تاخد العلاج…. العلاج بقي انك تشوف الي انت مشتاق لية لو مرة في اليوم مش لازم تلات مرات زى الدكتور ما بيقول كفاية مرة بتخليك بتبقي عامل زي الي شبعان من الاكل بعد عزومة جامدة اوي
وممكن كفاية صورتة لو مش عارف تشوفة تبص عليها
الاشتياق انك تبقي تلقح علية في كلامك وتقول وحشتني سرقة كدة في وسط الكلام …او انا انك تقول للناس انا بحبكو وتبص عليه وبعدين تتوه في الموضوع .
تشوف حالة الوتس هو كاتب اية وترد عليه بالحالة بتاعتك وانت قال اية كاتبها صدفة يعني متقصدش ترد
و يأااااااة بقي لما تحس انة هو كمان فهم ويرد عليك بتحس
انك طاير ..دة جنون الاشتياق حتي في الكلام يا جماعة
انك تسرق نظرة وهو واقف وتعمل عبيط مش قاصد و مختش بالك وتقول انتي بتكلمني انا ….وانت اصلا من جواك نفسك تكلمك من الصبح وتسئل لية متكلمتش من بدرى زعلانة ولا اية
الاشتياق ان روحك تمشي اول ما هي تمشي وتزعل لما تقول لحد استني وهو لا…انك تبص بصة معنها نفسي احضنك بس مش عارف بسبب الناس
انك تبقي عايز وشك ينور زى الشمس لما تيجي بعد غيوم المطر كدة وتنور …. اول ما تشوفة تضحك وتقول جواك
………..اية ده خربيتك ………
انك لو شفت حد شبة تلقي الحركة اتغيرت والوش اتخطف لونة واتكهربت مش فاهم لية الله اية بيحصل طيب ..وتروح وانت ماشي تسلم علية وتمسك ايدة ولو ثواني كدة زيادة عن السلام العادي ….عارف الايد بتقول اية بتقول مشتااق ليك وحشتني ودة اسمة حضن اليد ربنا يوعدنا
(بلحظة الاشتياق.). ويديم لينا الصالح
(مصطفي علي )