عايش أنت ويَّا منا

ولا عايش
في زحل
ما كفياك يا ابني
بلاهه
الحكاية فضِّناها
والقضية
أيوه بعناها
وماتت من زمان
يعني أقولك أيه..؟
ما تفهم
إحنا حابين
السلام..
مهما يحصل
لو ه ياخدوا
القدس ياخدوها
لو ه ياخدوا
بلادنا
عن بكرة أبيها
الخلاصه
مافيش رجال
أو صلاح الدين
ه يطلع
من ظهورنا
تاني يسأل
أو ينادي للقتال
لسه مستني
بلال والآذان..
البطل مات
يا ابن عمي
واللي جوّه في دمي..
مش دمي..
ما فيش أدني
احتمال
إحنا شُطّار
في الكلام
أيوه بس
إنما نشعر
ب نحس
مسالة فيها
جدال
كنا حسِّينا
ب وطنَّا
كل يوم
ألف انكسار
كنا حسِّينا
بغزّة
ف الحصار
كنا حسينا
الدمار
في العراق،
كنا حسينا
ب نبينا
لما غيرنا
ليه أساء
كنا حسينا
ب فقيرنا
لما جاع
كنا حسينا
ب وطنّا
لما ضاع
كنا حسينا
وكنا
ما كفياك
بطَّل صداع
الضمير مات
واندفن
روح وصحية
م الكفن
والقلوب
صابها العفن
ألف رحمة
يا وطن
كنت رافض
الضياع
===============
رابط الديوان على موسوعة ادب
http://www.adab.com/folk/modules.php?name=Sh3er&doWhat=lsq&shid=1088&start=0
----------------
ايميل الشاعر
mabouzeid87@yao.com