عوضاً عن الآثار المسروقة

بعد السطو على العديد من الأماكن الأثرية وسرقة محتوباتها ،،
عقد وزير الآثار مؤتمر صحفياُ عالمياُ لكى يطمأن العالم على آثار مصر وقال :
إطمّنوا خالص 00 آثار مصر كلها بخير
أنا بنفسى رُحت النهاردة الجيزة وأتأكدت أنى الأهرامات وأبو الهول موجودين والحرامية ماسرقهمش
وكمان جالى من المساعد بتاعى فى الأقصر أنى عواميد معبد الكرنك زى ماهما فى أماكنهم
وكمان معبد أبو سمبل فى أسوان محدش عرف يشيل طوبة واحدة منه
أما بالنسبة للقطع الأثرية اللى أتسرقت من المتحف القومى 00 ف أحنا لقينا حل للمشكلة دى
عدد القطع اللى أتسرقت ست قطع
أحنا بقى عندنا ست قطع بديلة هانحطهم مكانهم
أولاً : تمثال من الحجر الجيرى { لصافتى شريفى } وده فرعون صغيّر قعد على كرسى المناصب لمدة تزيد عن ستين سنة ؛؛ مابين ضابط
مخابرات مشبوه ؛؛ ووزير للكلام ؛؛ وأمين للحزب أياه 00 وكمان كان رئيس ( لمجلس الصورة ) ؛؛ وسيرته مليانة بالحواديت اللى ممكن نحكيها وتسلى السياح
ثانياً : تمثال من البرونز ل ( جرحى شرور ) اللى كان بيبتدى كل جلسة من جلسات مجلسه بتمرين مشهور - وهو أن يرفع جميع الأعضاء يداهم اليمنى إلى أعلى ؛؛ و ده كان شرط أساسى لأختيار أعضاء مجلسه وليه مقولة مشهورة بيقول فيها ( أنى المجلس سيد قراره ) ،، وأهو دلوقتى قاعد فى تابوته ؛ ؛ ( قصدى فى بيته ) ؛ ومحدش سامع صوته
ثالثاً : تمثال قصير مكير ؛؛ لملك النفخ والنكير ( أسعد حظ ) و ده بقى ليه رحلة كفاح كبيرة قوى فى الحياه من أول ( الدربكّة ) و دى قطعة من القطع الآثرية المهمة اللى هانحطها معاه فى فاترينة العرض ؛؛
لحد ( سيخ حديد حظ ) !!
رابعاً : تمثال مالوش مثال ؛؛ لقائد عسكر مصر الهمام ( إنهب وخدلى ) و ده كان وزير الداخلية فى العصر الماضى ؛؛ وله إختراعات مهمة فى طرق التعذيب الحديثة ؛؛ زى مثلاً :
( الضرب ع القفا ,, اللى يخلى الوش يختفا ) – ( الضرب بالشلوت ،، لحد ما المسجون يموت ) = ( كهرب المسجون وخلىِ عيونه فوانيس ؛؛ لحد مامخه يضرب ويقول كلام تهليس )
خامساً : والتمثال الخامس ل ( نظير أمانة ) وعلى فكرة : ده أسم مش صفة ؛؛ لأنى الوزير ده كان بيشغل منصب وزير السياحة فى العصر الماضى ؛؛ وإنجازاته فى الوزارة أنه خلا أملاك الدولة (سايحة ) على أملاكه والعكس ،، ( وبقت أسرة أمانة ؛؛ ليها وضع ومكانة )
سادساً : أما التمثال السادس معانا هو ل ( حقق مطلبى ) و ده وزير الإسكان ؛؛ اللى باع الأرض بنص ريال ؛؛ ولعب على كل الحبال ؛؛ وعمل من الوزارة ثروة كبيرة من الأموال
وبكدة نكون سدينا عجز الست تماثيل اللى أتسرقوا ؛؛ وملينا الفاترينات الفاضية ؛؛ وكمان أوعدكوا أنى فيه تماثيل هاترجع تانية كتيرة ؛؛ بس النائب العام يخلّص ؛؛ قصدى !!
عندما تعلن البعثات الأثرية إكتشافاتها ؛؛ وأماكن المقابر والكنوز
شكراً