علشان كده مش عايزين اسلام!!

السفاح وائل الكومى وشركاه يطلع من السجن ومحمد الظواهرى يتخطف بعد يومين من الافراج عنه من وسط بيته وعياله ازاى؟...... ده راح البانيا......ايه الجريمة دى يا ولاد؟هو اللى يروح البانيا تبقى جريمة واللى يموت الاطفال والشباب فى بيوتهم يبقى بيدافع عن البلد؟
مش هو ده العدل يا سيدى الجاضى؟.......وعلى رأى فيلم حسن ومرقص ...........هو الدين بيجول ايه؟؟ردوا على انتو؟؟بيجوووول من قتل يُقتل.....
واضح ان الموضوع كبير اكبر من تخيلاتنا الطفوليه البريئة ...........طبيعى ان خيالنا يبقى برئ لأننا ناس بريئة وشريفة ومش قتالين قتله.
الثورة لسه مخلصتش ............طول مافى ظلم,فى ثورة.......انا حاسة ان مفيش اى حاجة اتغيرت ..........هما بيلهونا وبيرمو لنا حته عضمة ,وفى فيلم كبير بيدبر والمخرج اسرائيلى.
يعنى تفتكروا ان امن الدولة اقوى من وزير الداخلية ومن عز ومن حسنى مبارك ليه؟...لان امن الدولة أصلا كان بيتعاون مع الموساد ,والكلام ده مش كلامى ده كلام الاستاذ محمد الدرينى على جريدة البديل و اللى لفقوله تهمه انه شيعى.
عرفتوا بقا جمال تطبيق الاسلام ,اثنين شهود عدول (مشهود لهم بالصدق والاخلاق ) ان ده قاتل وينفذ فيه حكم الاعدام على رؤؤس الاشهاد ,الناس اللى بتتريق على شرع ربنا ويقولوا :اه عايزين يحكمونا بالشريعة ونمشى نلاقى الناس فى الشارع ايدها متقطعة ,وناس مجلوده ,اقول لهم ايه؟ اللى يخاف يبقى حرامى ,يعنى هو كل الناس ناويه تبقى حراميه؟كلام اهبل والله العظيم.
آه اللى يسرق مصر لازم تتقطع ايدو ويبقى عبرة لمن لا يعتبر .
اللى خايف ان شرع الله يطبق هما الحرامية والفاسدين والقوادين وملهاش معنى غير كده ,اللى ايده نضيفه هيخاف ليه؟
اللى فاسد واللى ناوى انه يسرق بس هو اللى بيخاف.
انا كنت بقول لا يا جماعة الشريعة تطبق بالتدريج ,لكن دلوقت اقتنعت تماما ان ملهاش حل غير كده ,ان شاء الله يموت نص البلد بس ننضفها.
يا جماعة لورجعنا زى قبل الثورة يبقى حرام ...........لسه الجرحى فى المستشفيات بالالاف ودم الشهدا مبردش لسه.
مفيش بديل غير العدل والحرية ,مفيش حل غير العدل والحرية ,شباب الثورة الطاهر مش هيسكت ان شاء الله.
واضح ان الاستفتاء ده كان لعبة كبيرة وفى شئ كبير بيدبر لازم نفوق ,احنا عند اول اختبار فشلنا واتفرقنا مع ان النتيجة نعم او لا كانت محصلتها واحده .
هما لما اتأكدو ان شباب الثورة اتفرق واختلف (ودى كانت محاولاتهم من البداية ) رجعوا بتقلهم وخرجوا السفاحين عينى عينك لانهم متصوريين ان خلاص ,فركش.
لا والف لا الثورة لازم ترجع اقوى من الاول وشباب الثورة المرة دى هيروحوا يجيبوا نفر نفر ويحاسبوه ,والله العظيم انا كان من الاول رأيى ان الثورة الفرنسية هى الحل دول ملهومش غير المقصلة.
لازم كل سفاح من دول يتحاكم محاكمه عسكرية وتتحط قوانين بجد تضمن الامان للشعب من زبانية امن الدولة .