اه لو كنت رئيس

لو كنت رئيس للجمهوريه كنت عملت حظر تجول لمده اسبوع لكل محافظه واثناء الحظر اعدل الشوارع واعيد تنظيمها بدل ما العمال تسفلت من هنا والعربيات تبوظ من ناحيه تانيه وعطله وزحمه وبهدله . كنت عملت ثوره وانقلاب ورفضت المعونات الخارجيه واستثمرت الشباب العطلانه اه هنجوع شويه اه هنتعب شويتين هنسترد كرامتنا مش احسن ما نعيش ونموت جعانين وشحاتين داحنا بنستورد القمح والقطن طب وده اسمه ايه لما يكون من اول الاكل واللبس لحجر الساعه مستوردين لو كنت رئيس لمنعت الاستيراد ومنعت البطاله يعنى البلد اللى شايله 80مليون مش عارفه تشغلهم مش عارفين تزرعو مش عارفين تصنعو مش عارفين تتعبو امال عارفين ايه عارفين تجروا لبلاد تانيه تغسلو صحون وتمسحو بلاط والاخر يتقال علينا شحاتين يا جماعه احنا ملوك بس فينا اللى غاوى منظرة ومش حاسس باخوه , تعمل ايه لو كنت مكانى مسافر تتفسح وتترفه فى بلد شقيقه وتلاقى واحد مصرى زيه زيك بيخدم عليك وعلى غيرك ويمسح تحت رجليك ويتهان ويتلعن ابو اللى جابوه بالزمه مش حرام مش دمك هيتحرق طب ايه رايك فى اللى من بلدك وبيحرك بلدك ويسرق هو احنا بنعمل مظاهره علشان بنتسرق ولا عشان نسرق هو ده هدفننا ولا دى اخرتنا .لوكنت رئيس لمنعت السفر للعمل مالها مصر ماهى زى الفل ماله القمح المصرى ماله القطن المصرى مالها شركات احمد بهجت اهو راجل مصرى لا اكتر ولا اقل منى ومنك بس اللى زاد عليه انه فكر ,هو فكر يتعب عشان يكسب وناس تانيه فكرت تسرق واللى فكر يتاجر فى الممنوع واللى مستسلم وبيشرب عشان ينسى مش دى مصر احنا عاملين زى مانكون سارحانين ولااحنا فايقين ولا احنا نايمين بيقولك البلد دى مفيش حاجه بتتعمل فيها غير بالفلوس طب ما احنا اللى عملنا كده لو انت ماستسهلتش ودفعت هنا وهناك مكانش بقى ده الحال وانت بتطلع رخصه بتدفع وانت ماشى بتدفع وانت راكن تدفع ولو مدفعتش تتسحب رخصتك وبرده تدفع وانت السبب يا جماعه العيب مش رئيس ولا حكومه . العيب فينا احنا , فكر واتعلم واتعب وانتج مره هتخسر بس فى الاخر هتنجع وتكسب