مصر مش راح تموت

قولى يا مصر للشعوب
يعنى إيه كلمة بشر
**
يعنى نبض للقلوب
محبه وسلام
قيم طيبه
مش حروب
أو
سياسه متأسسه
ع الفبركه
يعنى نور للبصر
مش ضلام
أو سكوت
يعنى حياه يا غجر
ف الحياه
مش ف التابوت
مصر مش راح تموت
ولا تنتهى
ولا يسكت لها ف الحق
صوت
أو ينزل علم
مصر العلوم والحضاره
الهرم
مصر الأدب
الشعب العظيم
النغم
الطرب
سلال من دهب
عبد الوهاب
وسومه وحليم
مليون أميره
و
مليون أمير
لو
خط القلم
يكتب كتير
كتير كتير
**
تعرف يا ريس تعمل إيه ؟
وبلاش حرج
هات تاريخهم يسمعوه
يعرفوا مين الهمج
خليهم بالكدب يغمسوه
بدل الهرج
ف ميه راكده يدوبوه
لما يعطشوا
يبقوا يشربوه
**
سمير ابراهيم زيان