شلاليت

فتح عينك.. روق .. فوق
دمى خلاص أصبح محروق
كل شوية تغنى عليه
والتفاح يطلع برقوق
أنا صدقت كلامك ليه
وإنت بتخطب كل شوية
أوعى تفكر إن كلامك
مهما يكون تضحك به عليه
لأ.. لأ.. فوق.. أنا شفت كتير
من قبلك وصحيت يا أمير
كل شوية كلامك ليه
فيه ألغاز محتاح تفسير
دنا يا معلم واعى وصاحى
واتعلمت كتير بجراحى
فتح عينك.. بينى وبينك
نفس أحس فى يوم بكفاحي
بص ياريس .. هات م الآخر
ما تخليش فى حياتنا مساخر
تلاتين عام عايشين فى ضلام
مش ناقصين تعاويز ومباخر
خدها نصيحة الناس بتقول
إحنا شبعنا كلام معسول
نفسنا مرة فى حاكم ييجى
ولمشاكلنا نلاقى حلول