يقطع الدش وحريم الدش

بقلم : الشاعر زغلول الطواب
طلعت فوق السطوح
أشوف إيه إللى جرى للدش
لقيت السلك مقطوع
والطبق مقلوب ع الوش
ناديت ع البواب
فتوح أبو شناب
إللى ولا بيهش ولا ينش
عمرى ما سألته ع حاجه
إلا ويقولى معرفش
بواب ملهوش لازمه
قاعد ف العماره
كل همه حشو الكرش
ومراته شلبايه
طول النهار قالبه الوش
وكأنه خرسانه
ومدهون بالجبس
ناديت عليه بصوت عالى
من غيظى كان صوتى أجش
جانى بعد ساعه
وأنا ملطوع فوق ع السطوح
تحت حر الشمس
طالع ينهج ويلقف
وف أيده ولاعه
وف بقه السيجاره
ولا ع باله لطعتى
ف حر الشمس
شوفته دمى فار
قولتله يا حمار
أرمى السجاره
نفسك ممكن يدخل
وميطلعش
غور هات كهربائى
يصلح الدش
نزل ومطلعش
وأنا ف عز حيرتى
ونار الشمس
إللى بيحرق جلد الوش
شويه ولقيت سنيه
طالعه بتتدلع
شايله طبق غسيل
وغرقانه بالميه
الجلبيه ع جسمها
بتشف وترف
كأنها مش لابسه
شوفتها نسيت
موضوع الدش
البنت آخر مياعه
عنيها تندب فيها رصاصه
ولا تنكسيفش
بالضحكه المايصه بترقع
عنيا عليها هتطلع
وهى فاهمه
وبتترقص وبتتدلع
دمى نشف
وجلبيتها منشفتش
بصتلى والمكر ف عنيها
سألتها ع فتوح
قالتلى مشوفتوش
وكمان معرفش
قولتلها براحتك يا سنيه
إكمنك حلوه وشقيه
بتزقينى بالكلمه
قالتلى كده برضه يا سيدى
لخبطنى خليت الغسيل
وقع من إيدى
لأ لأ أنا كده مقدرش
قولتلها بصراحه
الليادى عطلان الدش
يعنى ولا هشوف حريم
ولا قنوات كتير
من قنوات الدش
بسرعه فهمتنى
رفعت الجلبيه
وضحكت ضحكه
من إللى هيه
قالتلى
سنيه متنفعش
وراحت ترقص وتهز
أنا روحت ف خبر كان
وإتكعبلت ف سلك الدش
لعنت سنيه وحريم الدش
ما نابنى منهم
غير عشرين غرزه ف الوش