رؤية ثورية لكبش أم بدوى الفئوية

...تخيل أنك فى حال زهق وخاصة أن الاجازة بدأت ومعك خروف فوق سطح منزلكم أو فى منور العمارة وطق فى نافوخك أنك تجرى حوار مع هذا المخلوق الاضحية ...فكيف سيكون نوع الحوار وفيما ستتحاور معه وكيف سيرد على أسئلتك .؟..سنطلق عليه أسم (ضاحى )لا داعى لأسم الشيخ (سعيد )ولا الشيخ (سيد ).. لزوم حركة الحراك والتغيير .وتلافيا أن نتهم الخروف بأنه أرهابى وارد قندهار -
(المواطن ):
كل عام وأنت طيب وبخير . -
(ضاحى):
طيب آه بس بخير أزاى وأنت ناوى تدبحنى!!-
المواطن ):
قولى يا ضاحى أيه رأيك فى الربيع العربى؟؟ .-
(ضاحى )
:والله خايف يا (مواطن يا خويا...)من الربيع لما يتأخر عن زمنه..أُف من صنف البشر غاوى أستعباد.! يعنى اللى أفهمه أنا كخروف محترم لما نقول لقائد الخرفان مش عايزينك .ينزل يقارعنا بصندوق شفاف و.يحترم رغبتنا .ويترك الاكباش هى اللى تختار وتقرر مصيرها !أما . وما سمعته يندى له قرون الاكباش جميعهم .بتاع زنجة زنجة ذبح الالاف من شعبه وأخرتها ماسكوه فى ماسورة كالجرذان !!والتانى ملاوع البوغاز أتحرق وأتشوه وبدل ما يتعظ رجع ينتقم من شعبه!! والثالث الجدع الذى يشبه الاوزة المذعورة كل يوم يقدم قربان بالعشرات من شعبه لاجل ما يظل راكب الكرسى !! -
(المواطن ) )"
أيه رأيك فى موقف المجلس العسكرى ؟ .-
(ضاحى) :
ما بلاش ..بعدين أنت عارفهم ناس دوغرى معندهمش غير المحاكمات العسكرية ..وكمان أخاف يكشفوا على عذريتى ويتلاقونى زى ما أنت فاهم ؟ (
مواطن ):
فاهم يخرب بيت عقلك هو أنت منزوع ال(....)أنتظر ..بعدين أنا سمعت أنا الاضحية لازم يكون .سليم معاف..)
(ضاحى) :
يا عم شوف مفتى من الفضائيات أياها ...يعملنا مخرج للحوسة ديه .أنا ياما سمعت عن أرضاع الهبيل .والنوم مع الكفيل .- )(مواطن) :هنتصل بفضائية تدينا عنوان خروف أقصد عميل من أياهم من اللى بيحللوا ويحرموا على هواهم .قولى أنت ليبرالى علمانى ولا ليبرالى فضائى ولا علمانى شيوعى .ولاقطة مندسة !معاك أجندة .تبقى من المحجورة .. ((ضاحى )"
بص أنا ماليش فى الرطرطة، أنا خروف صنفى خروف ووظيفتى معروفه ..أضحية ..شغل السفسطة بتعاكوا وتضيع الوقت ..كله يا صاحبى أستهلاك وأنا خروف عملى معرفش غير نوع العلف والمأمأة. (
(مواطن):
-
سمعت عن وثيقة السلمى ؟ -
(ضاحى ): :
يادى الخيبة يا صاحبى قلت لك دا تشتيت جهود وتفتيت صف هذه استيراتيجية قديمة للنظام كنت أتمنى تاخدوا بالكوا من الاعيب شيحة .وننص وتنتبهوا للبلد .- (
مواطن )
بمعنى؟ !!....,
(ضاحى):
عارف يا صاحبى كانت غلطتكوا من البداية وعلى فكرة كل الاكباش كان دا رأيها بس يظهر أنكم خادتكوا الفرحة من التخلص من العجل الكبير ونسيتوا باقى لصوص الزريبة .ولا مؤاخذة يعنى .....أنتم مكنتوش تركتوا الميدان الا بالمحاكمة الفورية !!..ضحكوا عليكوا وقالوا أنكوا ثورة بيضاء ودولة قانون وعدالة ورجعتوا مساكنكم ،اللى عايز يستحم واللى وحشته مراته .وطبعا أنت عارف ضحكوا عليكم ببعض الشخصيات كروت محروقة يعنى، ككبش فدا يعنى زى حالاتى كده لاجل ما يمتصوا غضبكوا ،وتركوا باقيتهم لأجل ما يسيبوا حاجة تشغلكم وتسود حياتكم . و..طرة زى ما أنت بتسمع أصبح سجن فايف استارز !!.-
(مواطن )أ
نت يا ضاحى خروف متنور ..فاهم .!!.(.ضاحى ):
فاهم أيه جتكوا نيلة سرقوا منكم الثورة زى ما سبق وسرقوا البلد .
أعتذر عن أى لفظ خرج من هذا الكبش ..يعنى نقول أيه كبش كلامه نطح!!
كل سنة وأسرة جريدة شباب مصر بخير . (مطيعة طايع)