حوار مع ضاحى (خروف العيد)

منذ عقود كان هناك حوار مع حمار الحكيم ..وكان الحوار ساعتها له رؤيته وأسبابه ...تخيل أنك عندك زهق وخاصة أن الاجازة بدأت ومعك خروف فوق سطح منزلكم أو فى منور العمارة وطق فى نافوخك أنك تجرى حوار مع هذا المخلوق الاضحية ...فكيف سيكون نوع الحوار وفيما ستتحاور معه وكيف سيرد على أسئلتك .؟..سنطلق عليه أسم (ضاحى )لا داعى لأسم الشيخ (سعيد )ولا الشيخ (سيد ).. لزوم حركة الحراك السياسى وموجة التغيير .وتلافيا أن نتهم الخروف بأنه أرهابى متخلف -
(أنا :)كل عام وأنت طيب وبخير .
(ضاحى)طيب آه بخير أزاى وأنت هتدبحنى!!-
أ(نا ): قولى يا ضاحى أيه رأيك فى الربيع العربى؟؟
.-(ضاحى ):والله خايف يا (...)من الربيع لما يتأخر عن زمنه..أُف من صنف البشر غاوى أستعباد.!
يعنى اللى أفهمه أنا كخروف محترم لما نقول لقائد الخرفان مش عايزينك ..يحترم رغبتنا ويترك قيادة الاكباش لغيره . وما سمعته يندى له قرون الاكباش جميعهم بتاع زنجة ذبح الالاف من شعبه وأخرتها ماسكوه فى ماسورة كالجرذان .!والتانى ملاوع البوغاز أتحرق وأتشوه وبدل ما يتعظ رجع ينتقم من شعبه !والثالث الجدع الذى يشبه الاوزة المذعورة كل يوم يقدم قربان بالعشرات من شعبه لاجل ما يظل راكب الكرسى !!..وفى رأيىّ أن طول فترة الخريف هو ما جعل حكامكم يعتقدون أنكم ملكية خاصة لهم أما التعذيب أو الدبح متزعلش منى يا صاحبى كده حتى لن تصلوا لدرجة فدو !!الخروف فينا بيدلع ويرتاح قبل الذبح أما أنتم فبين أمرين يا القهر يا الذبح!! ..-(أنا )"أيه رأيك فى موقف المجلس العسكرى ؟
(ضاحى) : ما بلاش ..بعدين أنت عارفهم ناس دوغرى معندهمش غير المحاكمات العسكرية ..وكمان أخاف يكشفوا على عذريتى ويتلاقونى زى ما أنت فاهم ؟
أنا :فاهم يخرب بيت عقلك هو أنت منزوع ال(....)أنتظر ..بعدين أنا سمعت أنا الفدو لازم يكون .سليم معاف..
(ضاحى): يا عم شوف مفتى من الفضائيات أياها ...يعملنا مخرج للحوسة ديه .أنا ياما سمعت عن أرضاع الهبيل .والنوم مع الكفيل .-
(أنا ):هنتصل بفضائية تدينا عنوان خروف أقصد عميل من أياهم من اللى بيحللوا ويحرموا على هواهم .قولى أنت ليبرالى علمانى ولا ليبرالى فضائى ولا علمانى شيوعى ولا أخوانى ولا خروف مندس هل لك أجندة أم عميل ؟..
(ضاحى )" بص أنا ماليش فى الرطرطة أنا خروف صنفى خروف ووظيفتى معروفه ..أضحية ..شغل السفسطة بتعاكوا وتضيع الوقت ..كله يا صاحبى أستهلاك وأنا خروف عملى معرفش غير نوع العلف والمأمأة.شوف أنتوا حياتكوا بلطجة حتى الاكباش عندنا بتتكلم على أن لكل بنى أدم (مواطن )يصرف عنه بلطجى يطلع عين أهله..لاجل ما يتوب عن ذنبه فى طلبه للتغيير.وفضائيات كل يوم ترش بنزيم وتزرع مفرقعات...وكل يوم بحال الدستون أولا .لاء مواد حاكمة لاءة .طيب نفرغ مجلس الشعب من محتواه ومضمونه قبل الهنا ..برضه لاءة خناقة مفتعلة بين قطبى العدالة .ولا رد قاضى محاكمة مبارك ..يعنى أنا وبرغم أنى كبش الا شامم فيها ريحة نتنة ..
(أنا ):سمعت عن الوثيقة بتاع السلمى ؟(ضاحى ): :يادى الخيبة يا صاحبى قلت لك دا تشتيت جهود وتفتيت صف هذه استيراتيجية قديمة للنظام كنت أتمنى تاخدوا بالكوا من الاعيب شيحة وتنتبهوا للبلد !!....,
(ضاحى): عارف يا صاحبى كانت غلطتكوا من البداية وعلى فكرة كل الاكباش كان دا رأيها بس يظهر أنكم خادتكوا الفرحة من التخلص من العجل الكبير ونسيتوا باقى سكان الزريبة ......أنتم مكنتوش روحتوا الا بالمحاكمة الفورية ..ضحكوا عليكوا وقالوا أنكوا ثورة بيضاء ودولة قانون وعدالة ..وطبعا أنت عارف ..طرة أصبح سجن فايف استارز !!.- (أنا)أنت يا ضاحى خروف متنور ..فاهم ..(.ضاحى ): فاهم أيه جاتكوا نيلة ..ضحكتوا الاكباش عليكوا ..
هديتى للعيد ..كل عام وأنتم بخير (مطيعة طايع)