رسالة من شاب خاف يقول إسمه ليتعلق فى الميدان

واحد م الشباب شكالى م التهميش م الترويع
قالى احنا محطوطين فى طابور ويا العواجيز
لو فكرنا نبقى متخلفين
لو حلمنا نبقى مندفعين
قالى لسة الرشاوى شغالة
لسة مفيش عدالة
لسة حقوق الإنسان فى خبر كان
قلتلة شوف إنت بتتكلم عن مين ؟ إنت بتتكلم عن ضمير
ضمير حى خايف من ربه مش من بنى أدمين
السيسى من غيره كنا مين ؟ ربى جابه لينا
يحقق بيه المستحيل.......!
قالى شوفى التعليم أصبح عقيم
والمدرس والطبيب والمهندس.... الكتير منهم ....!!!
أصبح ....غلابة مش لاقيين .......
إمشى ف الشوارع هتلاقى اللى حافى ....
واللى متسول بيشحت عشان حفنة ملاليم
واللى أصبح سواق بمؤهل جامعته
واللى راح يضرب حشيش
عشان ينسى قصته
ينسى إن أمه ولدته
ينسى حتى إسمه
وملامح لحلمة ماتت ويا بسمة فى شِفٍته
قالى إحنا لسة ضايعين
لسة عايشين فى السنين اللى فاتت
عصر جمال ومبارك والسابقين
أصبح لدينا خمول سياسى وراثى وكروش بتاكل حق البنى أدمين
قلتله فعلا
ده مش خمول سياسى عمره عام ...
ده عمره ستين عام من الفساد
وعايز اللى اتهدم واللى اتغسل بيه الدماغ
واللى راح ضحية الفساد ... واللى باع ضميرة ...
واللى نهب وطفش م البلاد
واللى سيس واللى خصخص
واللى تاجر بالبشر ... واللى عمل ثورة وقال هنهد بيها الجبال
واللى قاعد يهدم ويكسر ف البنيان ....كل ده هيتبنى ويتغير فى كام ياشباب ؟؟؟؟؟؟
عد سنين عندك كمان ..
. السيسى ماله ؟؟؟
خطوته بعشرة رجال ....!
وياريت عاجب ....!
.لأ كمان بيقولوا ارحل يا جبان....!
إرحلوا إنتم ...يا حثالة الزمان....!