أماني ضرغام تكتب: رسالة من تحت الماء

عرفت فى ذلك الوقت لماذا ذاع صيت أغنية حليم رسالة من تحت الماء ولماذا يحب الرجال تحديدا هذه الأغنية الشهيرة التى يردد فيها حليم جملة

أنت حتتجوزى؟ ياخبر.. ربنا معاكى يابنتى. بهذه الكلمات المقتضبة عبرت سيدة مسنة عن حالها وهى تهنئ ابنة جارتى الشابة التى تستعد للزفاف بعد أيام قلائل.. الدهشة جعلت العروس تقف مذهولة غير مصدقة، أما والدتها فقد انبرت تعلل هذا الكلام بأن قائلته تزوجت وفشلت ولذلك مش عاوزة حد يتجوز تانى خالص! ولأن هذا النوع من الحديث لا يعجب بنات اليومين دول، لذلك أخذت على عاتقي مهمة توضيح كلمات الجارة العجوز للفتاة بِنَت صديقتي، قلت لها اسمعي ياقمر البنات الجواز مش فسح وحب وكلام حلو وهدايا وخروجات لا، الجواز يا حبيبتي مسئولية.. مسئولية أنك تكونى مسئولة عن كل كبيرة وصغيرة فى بيتك عارفة مكان كل حاجة وحافظة كل تواريخ ميلاد عيلة جوزك وأصحابهم، وكمان مواعيد الأقساط والفواتير، فى الأول هتعملى جدعة وأنك المسيطرة على البيت وجوزك اللى حيمثل عليكى أنه سايب لك كل حاجة وأنك ست الكل ، وطبعا أنت حياخدك عزة النفس ويصور لك الغرور أن خادم القوم هو أفضلهم .. وأمك اللى هى صحبتى وعرفاها كويس حتوهمك أنك لازم تعملى لجوزك أى حاجة هو عاوزها بحيث ميقدرش يستغنى عن وجودك فى حياته ولا فى البيت ، والحقيقة أن النصيحة دى أو دى غلط بدليل أن الشغالة بتغيريها 100 مرة ، والدليفرى مخلاش حاجة مبيجبهاش.. واوعى تفتكرى إنى بقولك عريسك وحش ولا مش كويس بالعكس ده شاب هايل ومؤدب وأمه صحبتى أنا وأمك ما انتى عارفة.

بس الحقيقة الميزة الوحيدة اللى بتميز الراجل عن الست فى مشروع الزواج أن الست من أول يوم بعد شهر العسل بتبقى زى بندول الساعة رايحة جاية، أما الراجل فبيأنتخ ويربرب وكرشه يبقى متر
وإذا حد سأله عن الجواز يقول وهو يدعى الأسى لو كنت أعرف خاتمتى ماكنت بدأت